________________
ण्हइ, साऽवि समहिगदविणलोभेण तस्स चेयं दलयइ । अन्नया परतीरगमणनिमित्तं नाणाविहअमुल्लभंडभरियं जाणवतं । ठावियं अणेण समुदतीरे, सावि भणिया, जहा-कल्लेऽहं परतीरे गमिस्सामि, तम्हा तुमे समुद्दतीरे अमुगंमि पए । आगंतूण नीसेसाई कुंदवेइलनवमालईपाडलाइमुत्तयचंपयपमुहाई कुसुमाई समप्पेजासि, अहं ते चउग्गुणं मोला । दवाविस्सामि, पडिवन्नं च तीए हट्ठहिययाए, न मुणिओ कोऽवि परमत्थो, बीयदिवसे गया समग्गकुसुममालाओ गहिऊण निद्दिष्टाणे, दिट्ठो सो वणिओ जाणवत्ताधिरूढो, पणामियाई तीए कुसुमाई, पसारिओ तेण हत्थो, तीएनि समप्पणं(णत्य)पलंबिया मुणालकोमला नियभुयलया, तेणवि हरिसभरनिभरंगेण सकुसुममाला चेव गहिऊण आरोविया सीलवई जाणवत्ते, उविखत्ता उपरिगाए, एत्यंतरे वजावियाई मंगलतूराई पयट्टियं पवहणं विमुक्का सिगवडा) वाहियाई आवल्लयाई चंडगंडीवविमुक्ककंडंव वेगेण गंतुं पवत्तं जाणवत्तं । इओ य सोनरविक्कमकुमारो अचंतं तदणाणमणकालविलंबुबिग्गचित्तो इओ तओ सीलमई पलोइउं पवत्तो, तं अपेच्छमाणेण य तेण पुठ्ठा पाडिवेसिया, अबलो- १ इओ रायमग्गो, सम्मं निरिक्खिया तियचउक्कचचरा, अवलोइयाई सयलदेवउलभवणकाणणाई, निवेइया वृत्ता पा15 लयमालागारस्स, तेणावि सवायरेण गवेसिया सीलमई सबढाणेसु, कत्थविय पउत्तिमपावमाणेण सिग्धमेव नियत्तिय भणिओ कुमारो-महायस! धीरो भव, परिचयसु कायरत्तं, कुमारेण भणियं-भद्द! न किंपि मम कायरतं, केवलं एए पालए। जणणीविओगवसविसंतुलं रोयमाणे न सकेमि पेच्छिउं, पाडलेण भणियं-एवं ठिएवि पुरिसाय(सयार)तं कायचं, ता ।
बन
