________________
अइबेगुच्चालियकन्नतालविद्दवियभसलउलो अइरभसभरपहावण सपक्खकुलसेलचल्लिकयसको दढदं तदंडताडणढलहलियद्वालयसमूहो करघायदंतवेहणचरणुष्पीडणनिवाडियजणोहो सव्वत्थ समइ भीमो जमोग्व जुगविगमसमर्थमि, जह मंदरम हिज्जमाणमहोयहिघोसघोरे समुच्छलिए तियचउक्कच चरेसु जणाणं अकंदियरवे पुच्छियं नरवहणा-यो भो किमेवं नयरे कोलाहलो सुम्मइत्ति ?, जणेण भणियं देव ! एस तुम्ह जयकुंजरो भग्गालाणखंभो नयरं विहवेह, एवं सोचा विसजिया कुमारपमुहा पहाणलोया जयकुंजरगहणनिमित्तं, भणिया य- अरे ! सव्वहा सत्थघायं परिहरंतेहिं एयस्स वट्टियन्वं, एवं च पडिवज्जिय गया ते तदभिमुहं, न य पेच्छति कमवि उवायं जेण हत्थी वससुवगच्छइत्ति, एत्थंतरे वेलामासवत्तिणी गुरुगग्भभारवसविसंडलनिवडंतचरणा गाढपाणभयकंपंतसरीरजडी इओ तथ य धावंती एगा कुलंगणा दिट्ठा जयकुंजरेण, तओ उल्लालियकरग्गो पवणवेगेण धाविओ तीसे अभिसुहो, शानि कुंजरं तहा सिग्घमागच्छंतं पेच्छिऊण सज्झसभरनिरुद्धपयप्पयारा कलुणाई दीणाई विलविडं पयत्ता, कहं चित्र ?हे माइ माय ताया तायह मं मा उपेक्खह इयाणिं । एसो मम वहणट्ठा दुट्ठकरी पासमल्लिया ॥ १ ॥
हो पेच्छगलोया ! निक्करुणा करिवरं पडिक्खलह । गुरुगम्भभरकंता एसा संपइ विवज्जामि ॥ २ ॥ अह कहं पावकरी एसो सो आगओ मम समीवे । निस्सरणा नित्ताणा कमुवायं संपइ सरामि ? ॥ ३ ॥ किं कोऽवि महापुरिसो परोवयारत्थधरियनियपाणो । एत्थ न पेच्छइ सहसा में दुक्खत्तं विणस्संतिं ॥ ४ ॥
