________________
१४ महा०
अयि सुरसरितसारपवित्तपरिसरुदेसंविविद्यावणभवणमालाविभूसियं समूसियसियवेजयंती रेहंतमुरमंदिर सिहरं सिरिभवणं नाम नगरं, तत्थ य पयंडमायंडमंडलुद्दामपयावपरिसोसियविपक्खजलासओ अणेगसमरवावारविदत्तजसो अवंतिसेणो नाम राया अहेसि, जस्स विजयजत्तापत्थियस्स पत्थिवसहस्सानुगम्ममाणमग्गस्स उद्दंडपुंडरीयपंडुरच्छतच्छाइयगयणाभोगा नट्ठदिवसावगासव सोहंति दस दिसाभागा, जस्स य गजंतमत्तकुंजरगंडत्थलगलं तनिरंतरमयजला| सारजायदुद्दिणंधयार भीयाभिसारियव अणुसरह कवाडवियर्ड वच्छत्थलं रायलच्छी, जस्स चउविहाउज्जघोरघोसं मेहोहरसियंपिव सोऊण दूरं पलायंति रायहंसा, जस्स समरंगणेसु रोसारुणाओ पडिसुहडेसु पडिबिंबियाओ पप्फुलसुकुमार करवीरकुसुममालाउच रेहिंति दिडीओ, तस्स य नियरूवलावन्नजोवणगुणावगणियरइप्पवायाओ नीसेसपणइणीपहाणाओ दुबे भारियाओ अहेसि, पत्तलेहा मणोरमा य, पढमाए जाओ अहमेको पुत्तो वीरसेणो नाम, वियाए पुण विजयसेणोत्ति, गाहिया दोऽवि अम्हे धणुचेयपरमत्थं कुस लीकया चित्तपत्तच्छेयविणोपसु सिक्ख - विया य खेडयखग्गगुणवणियं जाणाविया महलजुद्धं, किं बहुणा ?, सुणाविया सवकलाकलावं, अन्नया य उचिओत्ति परिचिंतिय ठाविओऽहं ताएण जुवरायपए, दिन्ना य मज्झ लाडचोडमरहट्ठसोरट्ठपमुहा देसा कुमारमुत्तीए, परिपालेमि जुवरायत्तणं, मर्मपि अणुमग्गमणुसरइ सुहडाडोवसंकुडा पगलंत गंडस्थला दप्पुद्धरसिंधुरघडा, ममावि मग्गओ धावंति तरलतरतुरंगपहकरा, मज्झपि परसुसेल्लचंडगडी वसर विस रकुंतगयापहरणहत्थाई चित्थरंति चउद्दिसिंवि पुरिसवलाइंति,
---
