________________
. ( २२) ॥१॥धन वनिता आभूषन परिगह; त्याग करौं दुखदाय । जो अपना तू तजि न सकै पर, सेयां नरक न जाय ॥ अव० ॥२॥ विषयकाज क्यों जनम गुमावे, नरभव कव मिलि जाय । हस्ती चढ़ि जो ईधन ढोवै, बुधजन कौन वसाय ॥ अव० ॥३॥
(५२)
राग-काफी कनड़ी। तोकौं सुख नहिं होगा लोभीड़ा! क्यों भूल्या रे परभावनमैं ॥ तोकौं० ॥ टेक ॥ किसी भाँति कहुँका धन आवै, डोलत है इन दावनमैं ॥ तोकौं० ॥१॥ व्याह करूं सुत जस जग गावै, लग्यौ रहै या भावनमैं ॥तोकौं० ॥२॥ दरव परिनमत अपनी गौंते, तू क्यों रहित उपायनमैं । तोकौं० ॥३॥ सुख तो है सन्तोप करनमैं, नाहीं चाह वढावनमैं ॥ तोकौं०॥४॥ कै सुख है वुधजनकी संगति, कै सुख शिवपद पावनमैं ॥ तोकौं ॥५॥
राग-कनड़ी। निरखे नाभिकुमारजी, मेरे नैन सफल भये ॥ निर० ॥ टेक ।। नये नये वर मंगल आये, पाई निज रिधि सार ॥ निरखे० ॥१॥ रूप निहारन कारन हरिने, कीनी आंख हजार । वैरागी मुनिवर हू लखिकै, ल्यावत हरष अपार ॥ निरखे० ॥२॥ भरम गयो तत्त्वारथ पायो, आवत ही दरवार । वुधजन चरन शरन गहि जाँचत, नहिं जाऊं परद्वार ॥ निरखे०॥३॥
