________________
सुहविवाग सुत्तं
- . . . ३४१ गरियं जागरमाणस्स इमे एयारूबे अज्झथिए चितिए पत्थिए मणोगए संकप्पे ५ समुप्पन्ने-'धन्नाणं ते गामागरणगर जाव सन्निवेसा, जत्थ णं समणे भगवं महावीरे विहरइ । धन्नाणं ते राईसर जाव सत्थवाह-पभिइओ, जे णं समणस्स भगवओ महावीरस्स अंतिए मुंडे भवित्ता आगारओ अणगारियं पव्वयंति । धन्नाणं ते राईसर जाव । सत्थवाह-पभिइओ जे णं समणस्स भगवओ महावीरस्स अंतिए पंचाणुव्वइयं जाव गिहिधम्म पडिवज्जंति । धन्नाणं ते राईसर० जे णं समणस्स भगवओ महावीरस्स अंतिए धम्म पडिसुणंति । तं जइ णं समणे भगवं महावीरे पुव्वाणपुव्वं चरमाणे जाव गामाणुगामं दूइज्जमाणे इहमागच्छेज्जा.जाव विहरिज्जा; तए णं अहं समणस्स भगवओ - महावीरस्स अंतिए मुंडे भवित्ता जाव पव्वएज्जा। .. तए णं समणे भगवं महावीरे सुवाहुस्स कुमारस्स इमं एयारूवं अज्झत्थियं जाव वियाणित्ता पुव्वाणपुव्विं चरमाणे जाव गामाणुगामं दूइज्जमाणे जेणेव हत्थिसीसे णयरे जेणेव पुप्फकरंडे उज्जाणे जेणेव कयवणमालपियस्स जक्खस्स जक्खायतणे तेणेव उवागच्छइ २ त्ता अहापडिरूवं उग्गहं उगिण्हित्ता संजमेणं तवसा अप्पाणं भावेमाणे विहरइ । परिसा, राया निग्गए । तए णं तस्स सुवाहुस्स कुमारस्स . तं महया०, जहा पढमं तहा निग्गओ। धम्मो कहिओ। परिसा पडिगया राया य पडिगओ।
तए णं से सुवाहुकुमारे समणस्स भगवओ महावीरस्स अंतिए धम्म सोच्चा निस्सम्म हट्ट-तुट्ठ । जहा मेहो तहा अम्मापियरो आपुच्छइ। निक्खमणाभिसेओ तहेव जाव अणगारे जाए इरियासमिए जाव वं भयारी । तए णं से सुबाहू अणगारे समणस्स भगवओ महावीरस्स तहारूवाणं थेराणं अंतिए सामाइयमाइयाई एक्कारस-अंगाई अहिज्जइ २ त्ता वहूई चउत्थछट्टट्ठमतवोविहाणेहिं अप्पाणं भावित्ता वहूई वासाइं सामण्णपरियागं पाउणित्ता मासियाए संलेहणाए अप्पाणं झूसित्ता सद्धि भत्ताइ अणसणाइं छेदित्ता, आलोइय-पडिक्कते समाहिपत्ते कालमासे कालं किच्चा सोहम्मे कप्पे देवताए उववण्णे ।
