________________
नंदी-सुत्तं
३३३ संखेज्जा पाहुडा, संखेज्जा पाहुडपाहुडा, संखेज्जाओ पाहुडियाओ, संखेज्जाओ पाहुडपाहुडियाओ, संखेज्जाइं पयसहस्साई पयग्गेणं, संखिज्जा अक्खरा, अणंता गमा, अणंता पज्जवा, परित्ता तसा, अणंता थावरा, सासय-कड-निवद्ध-निकाइया जिणपण्णत्ता भावा आघविज्जंति, पण्णविज्जति, परूविज्जति, दंसिज्जंति, निदंसिज्जति, उवदंसिज्जति । से एवं आया, एवं नाया, एवं विण्णाया, एवं चरण-करण-परूवणा आधविज्जइ।
से त्तं दिहिवाए। सुत्तं ५७ इच्चेयम्मि दुवालसंगे गणिपिडगे .. .
अणंता भावा, अणंता अभावा, अणंता हेऊ, अणंता अहेउ, अणंता कारणा, अणंता अकारणा, अणंता जीवा, अणंता अजीवा, अणंता भवसिद्धिआ, अणंता अभवसिद्धिआ,
अणंता सिद्धा, अणंता असिद्धा पण्णत्ता । गाहा-भावमभावा हेऊमहेऊ, कारणमकारणे चेव ।
जीवाजीवाभविय-मभविया सिद्धा असिद्धा य ॥ १॥ इच्चे इयं दुवालसंगं गणिपिडगं
तीए काले अणंता जीवा आणाए विराहित्ता चाउरतं संसार कंतारं अणुपरियट्टिसु,
