________________
२७२
उत्तरज्झयण
वारसेव उ वासाइं संलेहक्कोसिया भवे । संवच्छरं मज्झिमिया छम्मासा य जहन्निया ।।२५२॥ पढमे वासचउक्कम्मि विगईनिज्जूहणं करे । विइए वासचउक्कम्मि विचित्तं तु तवं चरे ॥२५३।। एगन्तरमायाम कटु संवच्छरे दुवे । तओ संवच्छरद्धं तु नाइविगिट्ठ तवं चरे ॥२५४॥ . तओ संवच्छरद्धं तु विगिट्ठ तु तवं चरे। परिमियं चेव आयामं तंमि संवच्छरे करे ॥२५५।। कोडीसहियमायाम कट्ट संवच्छरे मुणी । मासद्धमासिएणं तु आहारेण तवं चरे ।।२५६।। कन्दप्पमाभिओगं किदिवसियं मोहमासुरत्तं च । एयाओ दुग्गईओ मरणम्मि विराहिया होन्ति ॥२५७।। मिच्छादसणरत्ता सनियाणा हु हिंसगा। इय जे मरन्ति जीवा तेसिं पुण दुल्लहा वोही ।।२५८।। सम्मइंसणरत्ता अनियाणा सुक्कलेसमोगाढा। इय जे मरन्ति जीवा सुलहा तेसिं भवे बोहो ॥२५६।। मिच्छादसणरत्ता सनियाणा कण्हलेसमोगाढा । इय जे मरन्ति जीवा तेसिं पुण दुल्लहा वोही ।।२६०।। जिणवयणे अणुरत्ता जिणवयणं जे करेन्ति भावेण । अमला असंकिलिट्ठा ते होन्ति परित्तसंसारी ॥२६१।।
वालमरणाणि वहुसो अकाममरणाणि चेव य वहणि । मरिहिन्ति ते वराया जिणवयणं जे न जाणन्ति ॥२६२।।
