________________
२५८
उत्तरज्झयणं
हिरिली सिरिली सिस्सिरिली जावई केदकन्दली। पलंदूलसणकन्दे य कन्दली य कुडवए ॥ ६८ ॥ लोहि णीह य थिह य कुहगा य तहेव य । कण्हे य वज्जकन्दे य कन्दे सूरणए तहा ॥६६॥ अस्सकण्णी य वोद्धव्वा सीहकण्णी तहेव य । मुसुण्डी य हलिद्दा य णेगहा एवमायओ ।। १००।। एगविहमणाणत्ता सुहमा तत्थ वियाहिया। सुहुमा सव्वलोगम्मि लोगदेसे य वायरा ।। १०१।। संतई पप्पऽणाईया अपज्जवसिया वि य। ठिइं पडुच्च साईया सपज्जवसिया वि य ॥१०२।। दस चेव सहस्साई वासाणक्कोसिया भवे । वणप्फईण आउं तु अन्तोमुहत्तं जहन्नगं ।।१०३।। अणन्तकालमुक्कोसं अन्तोमुहत्तं जहन्नयं । कायठिई पणगाणं तं कायं तु अमुचओ ।।१०४॥ असंखकालमुक्कोसं अन्तोमहत्तं जहन्नयं । विजढंमि सए काए पणगजीवाण अन्तरं ।।१०।। एएसि वष्णओ चेव गन्धओ रसफासओ। संठाणादेसओ वावि विहाणाइ सहस्ससो।।१०६।। इच्चेए थावरा तिविहा समासेण वियाहिया । इत्तो उ तसे तिविहे वुच्छामि अणुपुव्वसो ।।१०।। तेऊ वाऊ य वोद्धव्वा उराला य तसा तहा । इच्चेए तसा तिविहा तेसिं भेए सुणेह मे ।।१०८।।
