________________
एगूणतीसइमं अज्झयणं
२१५ सू० ३६-सरीरपच्चक्खाणेणं भन्ते ! जीवे कि जणयइ ?
- सरीरपच्चक्खाणेणं सिद्धाइसयगुणत्तणं निव्वत्तेइ । सिद्धाइसयगुणसंपन्ने य णं जीवे लोगग्गमुवगए परमसुही भंवइ । सू० ४०-सहायपच्चक्खाणेणं भन्ते ! जोवे किं जणयइ ?
सहायपच्चक्खाणेणं एगीभावं जणयइ । एगोभावभूए वि य णं जीवे एगग्गं भावेमाणे अप्पसद्दे अप्पझंझे अप्पकलहे अप्पकसाए अप्पतुमंतुमे संजमबहुले संवरवहुले समाहिए यावि भव। सू० ४१ –भत्तपच्चक्खाणेणं भन्ते । जीवे कि जणयइ ?
भत्तपच्चक्खाणेणं अणेगाई भवसयाई निरुम्भइ । सू० ४२-संभावपच्चक्खाणेणं भन्ते ! जोवे कि जणयइ !
सम्भावपच्चक्खाणेणं अनियदि जणयइ। अनियट्टिपडिवन्ने य अणगारे चत्तारि केवलिकम्मंसे खवेइ तं जहा वेयणिज्ज आउयं नामं गोयं । तओ पच्छा सिज्झइ, बुज्झइ, मुच्चइ, परिनिवाएइ सव्वदुक्खाणमन्तं करेइ ।। सू० ४३-पडिरूवयाए णं भन्ते ! जीवे किं जणयइ ?
पडिरूवयाए णं लाघवियं जणयइ। लहुभूए णं जोवे अप्पमत्ते पागडलिंगे पसत्थलिंगे विसुद्धसम्मत्ते सत्तसमिइसमत्ते सव्वपाणभूयजीवसत्तेसु वीससणिज्जरूवे अप्पडिलेहे जिइन्दिए विउलतवसमिइसमन्नागए यावि भवइ । सू० ४४ -वेयावच्चेणं भन्ते ! जीवे कि जणयइ ? ...... वेयावच्चेणं तित्थयरनामगोत्तं कम्मं निवन्धइ ।। सू० ४५-सव्वगुणसंपन्नयाए णं भन्ते ! जोवे कि जणयइ ?
सव्वगुणसंपन्नयाए ‘णं. अपुणरावत्ति जणयइ। अपुणरावत्ति पत्तए य णं जीवे सारीरमाणसाणं दुक्खाणं नो भागी भवइ ।
