________________
१६२
'उत्तरज्भयणं
एवं समुट्ठिओ भिक्खू एवमेव अणेगओ | मिगचारियं चरित्ताण उड्ढं पक्कमई दिसं ॥ ८२ ॥
जहा मिगे एग अणेगचारी
अणगवासे धुवगोयरे य ।
एवं मुणी गोयरियं पविट्टे
नो हीलए नो विय खिसएज्जा ॥ ८३ ॥
मिगचारियं चरिस्सामि एवं पुत्ता जहासुहं । अम्मा पिऊहिणुन्नाओ जहाइ उवहिं तओ ॥ ८४ ॥
मियचारियं चरिस्सामि सव्वदुक्ख विमोक्खाणि ! तुम्भेहि अम्म ! ऽणुन्नाओ गच्छ पुत्त ! जहासुहं ॥ ८५ ॥
एवं सो अम्मापयरो अणुमाणित्ताण वहुविहं । ममत्तं छिन्दई ताहे महानागो व्व कंचुयं ॥ ८६ ॥
इड्ढि वित्तं च मित्ते य पुत्तदारं च नायओ । रेणुयं वं पडे लग्गं निगुणित्ताण निरंगओ ॥ ८७ ॥
पंचमहव्वयजुत्तोपंचसमिओ तिगुत्तिगुत्तो य । सब्भिन्तरवाहिरओ तवोकम्मंसि उज्जुओ ॥ ८८ ॥
निम्ममो निरहंकारो निस्संगो चत्तगारवो । समो य सव्वभूएसु तसेसु थावरेसु य ॥ दर्द ॥
लाभालाभे सुहे दुबखे जीविए मरणे तहा । समो निन्दापसंसासु तहा माणावमाणओ ॥ ६० ॥
गारवेसु कसाएसु दण्डसल्लभएसु य । नियत्तो हाससोगाओ अनियाणो अवन्धणो ॥ ६१ ॥
