________________
१५६
उत्तरज्झयणं
एवं धम्म अकाऊणं जो गच्छइ परं भवं । गच्छन्तो सो दुही होइ वाहीरोगेहिं पीडिओ।। २० ।।. अद्धाणं जो महन्तं तु सपाओ पवज्जई। गच्छन्तो सो सुही होइ छुहातहाविवज्जिओ।। २१ ।। .. एवं धम्म पि काऊणं जो गच्छइ परं भवं । गच्छन्तो सो सुही होइ अप्पकम्मे अवेयणे ।। २२ ॥ . जहा गेहे पलित्तम्मि तस्स गेहस्स जो पह। सारभण्डाणि नीणेइ असारं अवउज्झइ ।। २३ ।। एवं लोए पलित्तम्मि जराए मरणेण य । अप्पाणं तारइस्सामि तुमहिं अणुमनिओ ॥ २४ ।।
तं वितऽम्मापियरो सामण्णं पुत्त ! दुच्चरं । गुणाणं तु सहस्साइं धारेयव्वाइं भिक्खुणो ।। २५ ।।
समया सव्वभूएसु सत्तुमित्तेसु वा जगे । पाणाइवायविरई जावज्जीवाए दुक्करा ।। २६ ।। निच्चकालऽप्पमत्तेणं मुसावायविवज्जणं । भासियव्वं हियं सच्चं निच्चाउत्तेण दुक्करं ।। २७ ।। दन्तसोहणमाइस्स अदत्तस्स विवज्जणं । अणवज्जेसणिज्जस्स गेण्हणा अवि दुक्करं ।। २८ ॥ विरई अवम्भचेरस्स कामभोगरसन्तुणा । उग्गं महत्वयं वम्भं धारेयव्वं सुदुक्करं ॥२६ ।। धणधन्नपेसवग्गेस परिगहविवज्जणं । सव्वारम्भपरिच्चाओ निम्ममत्तं सुदुक्करं ।। ३०॥
