________________
छट्ठमझयणं
छटुमज्झयणं
खुड्डागनियंठिज्ज जावन्तविज्जापुरिसा सवे ते दुक्खसंभवा । लुप्पन्ति वहुसो मूढा संसारंमि अणन्तए ॥ १ ॥ समिक्ख पंडिए तम्हा पासजाईपहे वहू । अप्पणा सच्चमेसेज्जा मेत्ति भूएसु कप्पए ।। २ ।। माया पिया ण्हुसा भाया भज्जा पुत्ता या ओरसा । नालं ते - मम ताणाय लुप्पन्तस्स सकम्मुणा ॥ ३ ॥ एयम? . संपेहाए पासे समियदंसणे । छिन्द गेहिं सिंणेहं च न कंखे . पुव्वसंथवं ।। ४ ।। गवासं मणिकुडलं पसवोदासपोरुसं । सव्वमेयं चइत्ताणं . कामरूवी भविस्ससि ।। ५ ।। थावरं जंगमं चेव धणं धण्णं उवक्खरं । पच्चमाणस्स कम्मेहिं नालं दुवखाउ मोयणे ॥ ६ ॥ अज्झत्थं सव्वओ सव्वं दिस्स पाणे पियायए। न हणे पाणिणो पाणे भयवेराओ उवरए ।। ७ ।। आयाणं नरयं दिस्स. नायएज्ज तणामवि । दोगुछी अप्पणो पाए दिन्नं भुजेज्ज भोयणं ॥ ८ ॥ इहमेगे उ मन्नन्ति अप्पच्चक्खाय पावगं । . आयरियं विदित्ताणं सव्वदुक्खा विमुच्चई ॥ ६ ॥
