________________
जन स्वाध्यायमाला
२६७
तेण कालेण तेण समएण रायगिहे णयरे, गुणसिलए चेइए, सेणिए राया । समणे भगवं महावीरे समोसढे परिसा णिग्गया सेणियो णिग्गयो, धम्मकहा, परिसा पडिगया ।४३।
तए ण से सेणिए राया समणस्स भगवनो महावीरस्स अंतिए धम्म सोच्चा णिसम्म समण भगव महावीर वंदइ नमसइ वदित्ता नम सित्ता एव वयासी-इमेसि णं भते । इदभइपामोक्खाण चोदसण्ह समणसाहस्सीणं कयरे अणगारे महादुक्करकारए चेव महाणिज्जरत राए चेव ? १४४।
एव खलु सेणिया | इमेसिं इंदभूइपामोक्खाणं चोद्दसण्ह समणसाहस्सीणं धन्ने अणगारे महादुक्करकारए चेव, महाणिज्जरतराए चेव ।४५।
से केणटठेण भते । एव वुच्चइ इमेसिं चउद्दसण्हं समणसाहस्सीण धन्ने अणगारे महादुक्करकारए चेव महाणिज्जरतराए चेव ।४६।
एव खलु सेणिया । तेण कालेण तेण समएण काकदी नाम नयरो होत्था, जाव उप्पिपासायवडिसए विहरइ । तए णं अहं अण्णया कयाइं पुव्वाणुपुवीए चरमाणे गामाणगाम दुइज्जमाणे जेणेव काकदी नयरी जेणेव सहस्संबवणे उज्जाणे तणेव उवागए उवागइत्ता प्रहापडिरूव उग्गह उग्गिण्हित्ता सजमेण तवसा जाव विहरामि । परिसा णिग्गया, तं चेव जाव पव्वइए जाव बिलमिव जाव आहारेइ । धन्नस्स ण अणगारस्स पायाणं सरीरवन्नो मन्वो जाव उवसोभेमाणे उवसोभेमाणे चिटुइ । से तेणठेण सेणिया | एवं वुच्चइ इमेसिं चोद्दसण्हं समणसाह
