________________
२३०
उत्तराध्ययन सूत्र अ ३६
कुंथुपिवीलिउड्डसा, उक्कलुद्देहिया तहा। तणहारकट्ठहारा य, मालूगा पत्तहारगा ।१३८। कप्पासट्ठिम्मिजाया, तिदुगा तउसमिजगा । सदावरी य गुम्मी य, बोद्धव्वा इदगाइया ।१३६। इंदगोवगमाईया, णेगहा एवमाययो । लोगेगदेसे ते सव्वे, न सम्वत्थ वियाहिया ।१४०। सतइ पप्प णाईया, अपज्जवसियावि य । ठिइं पड़च्च साईया, सपज्जवसियावि य ।१४१॥ एगणपण्णहोरत्ता, उक्कोसेण वियाहिया । तेइदियाउठिई, अंतोमहुत्त जहन्निया ।१४२। संखिज्जकालमुक्कोस, अतोमुहुत्त जहन्नय । तेइंदियकायठिई, तं कायं तु अमुचो ।१४३। अणतकालमुक्कोस, अंतो मुहुत्तं जहन्नयं । तेइदियजीवाण, अंतरं च वियाहिय ११४४। एएसि वण्णा चंव, गधयो रसफासयो। संठाणादेसमो वावि, विहाणाइ सहस्ससो।१४५ चरिदिया उ जे जीवा, दुविहा ते पकित्तिया । पज्जत्तमपज्जत्ता, तेसि भए सुणेह मे ११४६। अंधिया पोत्तिया चेव, मच्छिया मसगा तहा । भमरे कीडपयंगे य, ढिकुणे कुंकणे तहा ।१४७। कुक्कूडे सिंगिरीडी य, नदावत्ते य विच्छए । डोले भिगिरीडी य, विरिली अच्छिवेहए ।१४८। अच्छिले माहले अच्छिरोडए,विचित्ते चित्तपत्तए ।
