________________
जैन स्वाध्यायमाला
२२३
इहं बोदि चइत्ताणं, तत्य गतूण सिज्झई १५७। बारसहिं जोयणेहि, सव्वट्ठस्सुवरि भवे । ईसिपब्भारनामा उ, पुढवी छत्तसंठिया ।५८। पणयालसयसहस्सा, जोयणाण तु आयया । तावइय चेव वित्थिण्णा, तिगुणो तस्सेव परिरयो ।५६। अट्ठजोयणबाहल्ला, सा मज्झम्मि वियाहिया । परिहायती चरिमते,मच्छिपत्ताउ तणुयरी ।६०। अज्जुणसुवण्णगमई, सा पुढवी निम्मला सहावेण । उत्ताणगच्छत्तगसठिया य, भणिया जिणवरेहिं ।६१॥ सखककुंदसकासा, पण्डुरा निम्मला सुहा । सोयाए जोयणे तत्तो, लोयतो उ वियाहियो ।६२॥ जोयणस्स उ जो तत्थ, कोसो उवरिमो भवे । तस्स कोसस्स छन्भाए, सिद्धाणोगाहणा भवे ।६३१ तत्थ सिद्धा महाभागा, लोगग्गम्मि पइट्ठिया । भवप्पवचओ मुक्का, सिद्धि वरगइ गया ।६४। उस्सेहो जेसि जो होइ, भवम्मि चरिमम्मि उ । तिभागहीणो तत्तो य, सिद्धाणोगाहणा भवे ॥६५॥ एगत्तेण साईया, अपज्जवसियावि य । पुहत्तेण अणाइया, अपज्जवसियावि य ।६६। अरूविणो जीवघणा, नाणदसणसन्निया । अउलं सुहं सपन्ना, उवमा जस्स नत्थि उ ।६७। लोगेगदेसे ते सव्वे, नाणदंसणसन्निया। संसारपारनित्यिण्णा, सिद्धि वरगई गया ।६८।
