________________
१६६
उत्तराध्ययन अ० ३१
अणुप्पेहा धम्मकहा, सज्झायो पंचहा भवे ।३४) अट्टरुद्दाणि वज्जित्ता, झाएज्जा सुसमाहिए। धम्मसुक्काइ झाणाई, झाण तं तु बुहा वए ।३५॥ सयणासणठाणे वा, जे उ भिक्खू न वावरे । कायस्स विउस्सग्गो, छट्ठो सो परिकित्तिो।३६। एव तवं तु दुविहं, जे सम्म आयरे मुणी । सो खिप्पं सव्वसंसारा, विप्पमुच्चइ पडियो ।३७)
॥ तवमग तीसइमं अज्झयण समत्त ॥३०॥
॥ चरणविही एगतीसइमं अज्झयणं ॥३१॥ चरणविहिं पवक्खामि, जीवस्स उ सुहावहं । जं चरित्ता वह जीवा, तिण्णा संसारसागरं ॥१॥ एगो विरइ कुज्जा, एगो य पवत्तणं । असंजमे नियत्ति च, संजमे य पवत्तण ।२। रागदोसे य दो पावे, पावकम्म-पवत्तणे। जे भिक्खू रुंभई निच्चं, से न अच्छइ मंडले ।३। दंडाणं गारवाणं च, सल्लाणं च तिय तिय । जे भिक्खू चयई निच्चं, से न अच्छइ मडले ।४। दिव्वे य जे उवसग्गे. तहा तेरिच्छमाणुसे । जे भिक्खू सहइ निच्चं, से न अच्छइ मंडले 1५। विगहा-कसाय-सन्नाण, झाणाण च दुयं तहा । जे भिक्खू वज्जई निच्च, से न अच्छइ मडले ।६। वएसु इंदियत्येसु, समिईसु किरियासु य ।
