________________
१८२
उत्तराध्ययन सूत्र में २६
___४ गुरु-साहम्मिय-सुस्सूसणयाए णं भते ! जीवे किं जण. यइ ? गुरु-साहम्मिय-सुस्सूसणयाए ण विणयपडिवत्ति जणयइ । विणयपडिवन्ने य ण जीवे अणच्चासायणसीले नेरइय-तिरिक्ख- - जोणियमणुस्सदेवदुग्गईयो निरुम्भइ । वण्ण-संजलणभत्तिबहुमाणयाए मणुस्सदेवगईओ निबंधई, सिद्धिसोग्गइ च विसोहेइ । पसत्थाइ च ण विणयमलाई सव्वकज्जाई साहेइ । अन्ने य बहवे जीवे विणिइत्ता भवइ । ।
५ आलोयणाए णं भते ! जीवे कि जणयइ ? आलोयणाए ण माया-नियाण-मिच्छादसण-सल्लाण, मोक्खमग्गविग्घाणं, अणतससारबंधणाण उद्धरणं करेइ । उज्जभाव च जणयइ । उज्जु भावपडिवन्ने य णं जीवे अमाई इत्थीवेयनपुंसगवेय च न बंधइ । पुव्वबद्धं च ण निज्जरेइ ।
६ निंदणयाए ण भंते ! जीवे कि जणयइ ? निंदणयाए णं पच्छाणुतावं जणयइ । पच्छाणुतावेण विरज्जमाणे करणगुणसे दि पडिवज्जइ । करणगुणसेढीपडिवन्ने य ण अणगारे मोहणिज्जं कम्मं उग्घाएइ ।
७ गरहणयाए णं भते ! जीवे कि जणयइ ? गरहणयाए णं अपुरक्कारं जणयइ । अपुरस्कारगए ण जीवे अप्पसत्थेहितो जोगेहितो नियत्तेइ, पसत्थे य पडिवज्जइ। पसत्थजोगपडिवन्ने यण अणगारे अणतघाइ-पज्जवे खवेई।
८ सामाइएणं भते ! जीवे कि जणयइ ? सामाइएणं सावज्जजोगविरइं जणयइ ।
६च उव्वीसत्थएण भते ! जीवे कि जणयइ? चउव्वी
