________________
जैन स्वाध्यायमाला
पुढवी-याउक्काए, तेऊ-वाऊ-वणस्सइ-तसाणं । पडिलेहणाआउत्तो, छण्हं संरक्खो होइ।३१॥ तइयाए पोरिसीए, भत्तं पाणं गवेसए। छण्हं अन्नतराए, कारणम्मि उवट्ठिए ।३२॥ १ वेयण २ वेयावच्चे, ३ इरियट्ठाए य ४ सजमट्ठाए। ५ तहपाणवत्तियाए, छट्ठ पुण ६ धम्मचिंताए।३३। निग्गयो धिइमतो, निग्गंथी वि न करेज्ज छहिं चेव । ठाणेहिं उ इमेहिं, अणइक्कमणाइ से होइ ।३४॥ आयके उवसग्गे, तितिक्खया बम्भचेरगुत्तीसु । पाणिदया तवहेउ, सरीर-वोच्छेयणट्टाए ।३५॥ अवसेस भण्डगं गिज्झा, चक्खुसा पडिलेहए। परमद्धजोयणाओ, विहारं विहरए मुणी ।३६। चउत्थीए पोरिसीए, निक्खिवित्ताण भायणं । सज्झायं च तो कुज्जा, सव्व-भाव विभावण ।६७। पोरिसीए चउभाए, वदित्ताण तो गुरु । पडिक्कमित्ता कालस्स, सेज्ज तु पडिलेहए ।३८। पासवणुच्चारभूमि च, पडिले हिज्ज जय जई। काउस्सग्गं तो कुज्जा, सव्व-दुक्ख-विमोक्खणं ।३९। देवसियं च अइयारं, चितिज्जा अणुपुव्वसो । नाणे य दसणे चेव, चरित्तम्मि तहेव य ।४०॥ पारियकाउस्सग्गो, वंदित्ताण तो गुरुं । देवसियं तु अईयारं, आलोएज्ज जहक्कम्मं :४१॥ पडिक्कमित्तु निस्सल्लो, वदित्ताण तमो गुरुं ।
