________________
१७०
उत्तराध्ययन सूत्र अ. २६
विरत्ता उ न लग्गति, जहा सुक्के उ गोलए।४३ एव से विजयघोसे, जयघोसम्स अंतिए । अणगारस्स निक्खती, धम्म सोच्चा अणुत्तरं।४४। खवित्ता पुवकम्माइ, सजमेण तवेण य । जयघोस विजयघोसा, सिद्धि पत्ता अणुत्तरं ।४५।
।। जन्नइज्ज पचवीसइम अग्झयण समत्त ॥२५॥
॥ सामायारी छब्बीसइमं अज्झयणं ॥२६॥
सामायारि पवक्खामि, सम्वदुक्खविमोक्खणि । जं चरित्ताण निग्गथा, तिण्णा संसारसागरं ।। पढमा प्रावस्सिया नाम, विइया य निसीहिया। आपुच्छणा य तइया, चउत्थी पडिपुच्छणा।२। पंचमी छदणा नाम, इच्छाकारो य छट्टओ। सत्तमो मिच्छाकारो उ, तहक्कारो य अट्ठमो ।३। अन्भुट्ठाण च नवमं, दसमी उवसम्पदा । एसा दसगा साहणं, सामायारी पवेइया ।४। गमणे प्रावस्मियं कुज्जा, ठाणे कुज्जा निसीयि । प्रापुच्छण सयंकरणे, परकरणे पडिपुच्छणा ।५। छदणा दबजाएणं, इच्छाकारो य सारणे । मिच्छाकारो य निदाए, तहक्कारो पडिस्सुए।६। अभुट्ठाणं गुरुपूया अच्छणे उवसपदा। एवं दु-पच-सजुत्ता, सामायारी पवेइया ।७।
