________________
जन स्वाध्यायमाला
एगकज्जपवन्नाण, विसेसे किं नु कारण ।१३। अह ते तत्थ सीसाणं, विन्नाय पवितक्किय । समागमे कयमई, उभओ केसि-गोयमा ।१४। गोयमे पडिरूवन्नू , सीससघसमाउले । जेठं कुलमवेक्खंतो, तिदुयं वणमागो ।११ केसी-कुमारसमणे, गोयम दिस्समागयं । पडिरूवं पडिवत्ति, मम्मं सपडिवज्जई।१६। पलालं फासुयं तत्थ, पंचमं कुसतणाणि य । गोयमस्स निसेज्जाए, खिप्प सपणामए ।१७। केसीकुमारसमणे, गोयमे य महायसे । उभयो निसण्णा सोहति, चंद-सूर-समप्पभा ।१८। समागया बहू तत्थ, पासंडा कोउगा मिया । गिहत्थाणं अणेगारो, साहस्सीयो समागया ।१६। देव-दाणव-गंधव्वा, जक्ख-रक्खस-किन्नरा। अदिस्साणं च भयाण, पासी तत्थ समागमो ।२०। पुच्छामि ते महाभाग, केसी गोयममब्बवी । तो केसि बुवत तु, गोयमो इणमब्बवी ॥२१॥ पुच्छ भते जहिच्छ ते, केसि गोयममब्बवी । तो केसी अणुनाए, गोयमं इणमब्बवी ॥२२॥ चाउज्जामो य जो धम्मो, जो इमो पंचसिक्खियो। देसिनो वद्धमाणेण, पासेण य महामुणो ।२३। एग-कज्ज-पवन्नाणं, विसेसे किण्णु कारणं । धम्मे दुविहे मेहावी, कहं विप्पच्चो न ते ।२४॥
