________________
११४
उत्तराध्ययन सूत्र अ..१३
सच्चसोयप्पगडा, कम्मा मए पुरा कडा । . ते अज्ज परिभुजामो, किन्नु चित्ते वि से तहा ।।। सव्व सूचिण्णं सफल नराणं. कडाण कम्माण न मोक्ख अत्थि । अत्यहि कामेहि य उत्तमेहिं, आया मम पुण्णफलोववेए ।१०। जाणासि संभूय महाणभाग, महिड्डियं पुण्णफलोववेय । चित्तंऽपि जाणाहि तहेव राय,इड्ढी जुई तस्सवि य प्पभूया ।११। महत्थरूवा वयणप्पभूया, गाहाणुगीया नरसघमज्झे । जं भिक्खुणो सीलगुणोववेया, इहं जयंते समणोमि जाओ ।१२। उच्चोयए महु कक्के य बम्भे, पवेइया पावसहा य रम्मा । इमं गिहं चित्तधणप्पभूयं, पसाहि पचालगुणोववेयं ।१३। नद्देहि गीएहि य वाइएहिं, नारीजणाइ परिवारयतो । भुजाहि भोगाइ इमाइ भिक्ख, मम रोयई पव्वज्जाहु दुक्खं ।१४। त पुबनेहेण कथाणुरागं, नराहिव कामगणेमु गिद्ध । धम्मस्सिो तस्स हियाणुपेही, चित्तो इम वयणमुदाहरित्था।१५॥ सव्व विलवियं गीय, सव्व नट्ट विडम्वियं । सव्वे आभरणा भारा, मन्वे कामा दुहावहा ।१६। वालाभिरामेसु दुहावहेमु, न त सुहं कामगणेसु राय । विरत्तकामाण तवोधणाण, जं भिक्खुणं सीलगुणे रयाण ।१७। नरिंद जाई प्रहमा नराण, सोदागजाई हो गयाणं । जहिं वयं सव्वजणस्स वेस्सा, वसीअ सोवाग-निवेसणेसु ॥१८॥ तीसे य जाईइ उ पावियाए, वुच्छाम सोवाग-निवेसणेसु । सव्वस्स लोगस्स दुगंछणिज्जा, इह तु कम्माइं पुरे कडाइं ।१९। सो दाणिसिं राय ! महाणुभागो, महिड्डियो पुण्णफलोववेनो।
