________________
पठममहासङ्गीतिकथावण्णना
१११
पभेदविभागदस्सनकथाति । यम्पि वुत्तं “उभतोविभङ्गादीसु सगाथकप्पदेसानं गेय्यङ्गसङ्गहो सिया"ति, तम्पि न, अञतो। अञआयेव हि ता गाथा जातकादिपरियापन्नत्ता । तादिसायेव हि कारणानुरूपेन तत्थ देसिता, अतो न ताहि उभतोविभङ्गादीनं गेय्यङ्गभावोति । एवं सुत्तादिनवङ्गानं अञमञसङ्कराभावो वेदितब्बोति ।
इदानि एतानि नवङ्गानि विभजित्वा दस्सेन्तो "तत्था"तिआदिमाह । निद्देसो नाम सुत्तनिपाते -
"कामं कामयमानस्स, तस्स चे तं समिज्झति । अद्धा पीतिमनो होति, लद्धा मच्चो यदिच्छती"तिआदिना ।। (सु० नि० ७७२)।
आगतस्स अट्ठकवग्गस्स;
"केनस्सु निवुतो लोको, (इच्चायस्मा अजितो) ।
केनस्सु न पकासति । किस्साभिलेपनं ब्रूसि,
किंसु तस्स महब्भय''न्तिआदिना ।। (सु० नि० १०३८)।
आगतस्स पारायनवग्गस्स;
“सब्बेसु भूतेसु निधाय दण्डं,
___ अविहेठयं अञतरम्पि तेसं । न पुत्तमिच्छेय्य कुतो सहायं,
एको चरे खग्गविसाणकप्पोतिआदिना ।। (सु० नि० ३५)।
आगतस्स खग्गविसाणसुत्तस्स च अत्थविभागवसेन सत्थुकप्पेन आयस्मता धम्मसेनापतिसारिपुत्तत्थेरेन कतो निद्देसो, यो “महानिदृसो, चूळनिद्देसो''ति वुच्चति । एवमिध निद्देसस्स सुत्तङ्गसङ्गहो भदन्तबुद्धधोसाचरियेन दस्सितो, तथा अञत्थापि
111
Jain Education International
For Private & Personal Use Only
www.jainelibrary.org
