Page Text
________________
दीघनिकाये पाथिकवग्गट्ठकथा
(४.११३-११३)
चूळपासादसतानि, पञ्च दीघसालसतानि च कारापेसि । विहारमहो चतूहि मासेहि निट्ठानं अगमासि ।
मातुगामत्तभावे ठिताय विसाखाय विय अञिस्सा बुद्धसासने धनपरिच्चागो नाम नत्थि, पुरिसत्तभावे ठितस्स अनाथपिण्डिकस्स विय अञस्साति। सो हि चतुपण्णासकोटियो विस्सज्जेत्वा सावस्थिया दक्खिणभागे अनुराधपुरस्स महाविहारसदिसे ठाने जेतवनमहाविहारं नाम कारेसि । विसाखा सावत्थिया पाचीनभागे उत्तरदेविया विहारसदिसे ठाने पुब्बारामं नाम कारेसि । भगवा इमेसं द्विन्नं कुलानं अनुकम्पाय सावत्थिं निस्साय विहरन्तो इमेसु द्वीसु विहारेसु निबद्धवासं वसि । एकं अन्तोवस्सं जेतवने वसति, एकं पुब्बारामे। तस्मिं समये पन भगवा पुब्बारामे विहरति । तेन वुत्तं "पुब्बारामे मिगारमातुपासादे''ति ।
वासेटुभारद्वाजाति वासेट्ठो च सामणेरो भारद्वाजो च । भिक्खूसु परिवसन्तीति ते नेव तिथियपरिवासं वसन्ति, न आपत्तिपरिवासं। अपरिपुण्णवस्सत्ता पन भिक्खुभावं पत्थयमाना वसन्ति । तेनेवाह "भिक्खुभावं आकङ्खमाना'"ति। उभोपि हेते उदिच्चब्राह्मणमहासालकुले निब्बत्ता, चत्तालीस चत्तालीस कोटिविभवा तिण्णं वेदानं पारगू मज्झिमनिकाये वासेद्वसुत्तं सुत्वा सरणं गता, तेविज्जसुत्तं सुत्वा पब्बजित्वा इममिं काले भिक्खुभावं आकङ्खमाना परिवसन्ति । अब्भोकासे चङ्कमतीति उत्तरदक्खिणेन आयतस्स पासादस्स पुरत्थिमदिसाभागे पासादच्छायायं यन्तरज्जूहि आकड्डियमानं रतनसतुब्बेधं सुवण्णअग्धिकं विय अनिलपथे विधावन्तीहि छब्बण्णाहि बुद्धरस्मीहि सोभमानो अपरापरं चङ्कमति ।
११३. अनुचकमिंसूति अञ्जलिं पग्गय्ह ओनतसरीरा हुत्वा अनुवत्तमाना चङ्कमिंसु । वासे आमन्तेसीति सो तेसं पण्डिततरो गहेतब्बं विस्सज्जेतब्बञ्च जानाति, तस्मा तं आमन्तेसि। तुम्हे ख्वत्थाति तुम्हे खो अत्थ । ब्राह्मणजच्चाति, ब्राह्मणजातिका । ब्राह्मणकुलीनाति ब्राह्मणेसु कुलीना कुलसम्पन्ना । ब्राह्मणकुलाति ब्राह्मणकुलतो, भोगादिसम्पन्नं ब्राह्मणकुलं पहायाति अत्थो । न अक्कोसन्तीति दसविधेन अक्कोसवत्थुना न अक्कोसन्ति । न परिभासन्तीति नानाविधाय परिभवकथाय न परिभासन्तीति अत्थो । इति भगवा "ब्राह्मणा इमे सामणेरे अक्कोसन्ति परिभासन्ती"ति जानमानोव पुच्छति । कस्मा ? इमे मया अपुच्छिता पठमतरं न कथेस्सन्ति, अकथिते कथा न समुट्ठातीति कथासमुट्ठापनत्थाय |
40
Jain Education International
For Private & Personal Use Only
www.jainelibrary.org
| SR No. | 009981 |
| Book Title | Pathikvaggatthakatha |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 326 |
| Language | Sanskrit |
| Classification | Interfaith & Buddhism |
| File Size | 11 MB |