Page Text
________________
(२.७५-७६)
निग्रोधस्सपज्झायनवण्णना
नत्थि, कुतो परिसुद्धपाळि । अम्हाकं परिसुद्धपाळिमत्तम्पि नत्थि, कुतो चातुयामसंवरादीनि । चातुयामसंवरोपि नत्थि, कुतो अरञवासादीनि । अरञवासोपि नत्थि, कुतो नीवरणप्पहानादीनि । नीवरणप्पहानम्पि नस्थि, कुतो ब्रह्मविहारादीनि । ब्रह्मविहारमत्तम्पि नत्थि, कुतो पुब्बेनिवासादीनि । पुब्बेनिवासञाणमत्तम्पि नत्थि, कुतो अम्हाकं दिब्बचक्खु । एत्थ मयं सआचरियका नट्ठा'ति । इतो भिय्यो उत्तरितरन्ति इतो दिब्बचक्खुजाणाधिगमतो भिय्यो अझं उत्तरितरं विसेसाधिगमं मयं सुतिवसेनापि न जानामाति वदन्ति ।
निग्रोधस्सपज्झायनवण्णना
७५. अथ निग्रोधं परिब्बाजकन्ति एवं किरस्स अहोसि “इमे परिब्बाजका इदानि भगवतो भासितं सुस्सूसन्ति, इमिना च निग्रोधेन भगवतो परम्मुखा कक्खळं दुरासदवचनं वुत्तं, इदानि अयम्पि सोतुकामो जातो, कालो दानि मे इमस्स मानद्धजं निपातेत्वा भगवतो सासनं उक्खिपितु"न्ति । अथ निग्रोधं परिब्बाजकं एतदवोच । अपरम्पिस्स अहोसि "अयं मयि अकधेन्ते सत्थारं न खमापेस्सति, तदस्स अनागते अहिताय दुक्खाय संवत्तिस्सति, मया पन कथिते खमापेस्सति, तदस्स भविस्सति दीघरत्तं हिताय सुखाया''ति । अथ निग्रोधं परिब्बाजकं एतदवोच । अपरिसावचरं पन नं करोथाति एत्थ पनाति निपातो, अथ नं अपरिसावचरं करोथाति अत्थो । “अपरिसावचरेत''न्तिपि पाठो, अपरिसावचरं वा एतं करोथ, गोकाणादीनं वा अञतरन्ति अत्थो।
गोकाणन्ति एत्थापि गोकाणं परियन्तचारिनिं विय करोथाति अत्थो । तुण्हीभूतोति तुण्हीभावं उपगतो । मभूतोति नित्तेजतं आपन्नो । पत्तक्खन्धोति ओनतगीवो। अधोमुखोति हेट्ठामुखो।
____७६. बुद्धो सो भगवा बोधायाति सयं बुद्धो सत्तानम्पि चतुसच्चबोधत्थाय धम्म देसेति । दन्तोति चक्खुतोपि दन्तो...पे०... मनतोपि दन्तो। दमथायाति अ सम्पि दमनत्थाय एव, न वादत्थाय । सन्तोति रागसन्तताय सन्तो, दोसमोहसन्तताय सब्ब अकुसलसब्बाभिसङ्घारसन्तताय सन्तो। समथायाति महाजनस्स रागादिसमनत्थाय धम्म देसेति । तिण्णोति चत्तारो ओघे तिण्णो। तरणायाति महाजनस्स ओघनित्थरणत्थाय । परिनिब्बुतोति किलेसपरिनिब्बानेन परिनिब्बुतो। परिनिब्बानायाति महाजनस्सापि सब्बकिलेसपरिनिब्बानत्थाय धम्मं देसेति ।
Jain Education International
For Private & Personal Use Only
www.jainelibrary.org
| SR No. | 009981 |
| Book Title | Pathikvaggatthakatha |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 326 |
| Language | Sanskrit |
| Classification | Interfaith & Buddhism |
| File Size | 11 MB |