________________
२१४
दीघनिकायो-३
(३.१०.३४७-३४८)
अद्वयं अप्पमाणं । आपोकसिणमेको सञ्जानाति...पे०... तेजोकसिणमेको सञ्जानाति । वायोकसिणमेको सञ्जानाति । नीलकसिणमेको सञ्जानाति । पीतकसिणमेको सञ्जानाति । लोहितकसिणमेको सञ्जानाति । ओदातकसिणमेको सञ्जानाति । आकासकसिणमेको सञ्जानाति । विज्ञाणकसिणमेको सञ्जानाति, उद्धं अधो तिरियं अद्वयं अप्पमाणं ।
३४७. “दस अकुसलकम्मपथा- पाणातिपातो, अदिन्नादानं, कामेसुमिच्छाचारो, मुसावादो, पिसुणा वाचा, फरुसा वाचा, सम्फप्पलापो, अभिज्झा, ब्यापादो, मिच्छादिट्ठि ।
"दस कुसलकम्मपथा- पाणातिपाता वेरमणी, अदिन्नादाना वेरमणी, कामेसुमिच्छाचारा वेरमणी, मुसावादा वेरमणी, पिसुणाय वाचाय वेरमणी, फरुसाय वाचाय वेरमणी, सम्फप्पलापा वेरमणी, अनभिज्झा, अब्यापादो, सम्मादिट्ठि ।
३४८. “दस अरियवासा। इधावुसो, भिक्खु पञ्चङ्गविप्पहीनो होति, छळङ्गसमन्नागतो, एकारक्खो, चतुरापस्सेनो, पणुन्नपच्चेकसच्चो, समवयसढेसनो, अनाविलसङ्कप्पो, पस्सद्धकायसङ्खारो, सुविमुत्तचित्तो, सुविमुत्तपञो। ..
"कथञ्चावुसो, भिक्खु पञ्चङ्गविप्पहीनो होति ? इधावुसो, भिक्खुनो कामच्छन्दो पहीनो होति, ब्यापादो पहीनो होति, थिनमिद्धं पहीनं होति, उद्धच्चकुकुच्चं पहीनं होति, विचिकिच्छा पहीना होति । एवं खो, आवुसो, भिक्खु पञ्चङ्गविप्पहीनो होति ।
____ "कथञ्चावुसो, भिक्खु छळङ्गसमन्नागतो होति ? इधावुसो, भिक्खु चक्खुना रूपं दिस्वा नेव सुमनो होति न दुम्मनो, उपेक्खको विहरति सतो सम्पजानो। सोतेन सदं सुत्वा नेव सुमनो होति न दुम्मनो, उपेक्खको विहरति सतो सम्पजानो। घानेन गन्धं घायित्वा नेव सुमनो होति न दुम्मनो, उपेक्खको विहरति सतो सम्पजानो। जिव्हाय रसं सायित्वा नेव सुमनो होति न दुम्मनो, उपेक्खको विहरति सतो सम्पजानो। कायेन फोहब्बं फुसित्वा नेव सुमनो होति न दुम्मनो, उपेक्खको विहरति सतो सम्पजानो। मनसा धम्मं विज्ञाय नेव सुमनो होति न दुम्मनो, उपेक्खको विहरति सतो सम्पजानो। एवं खो, आवुसो, भिक्खु छळङ्गसमन्नागतो होति ।
214
Jain Education International
For Private & Personal Use Only
www.jainelibrary.org
