________________
(३.९.२९०-२९०)
९. आटानाटियसुत्तं
___ १५९
'इतो सा दक्खिणा दिसा, इति नं आचिक्खती जनो । यं दिसं अभिपालेति, महाराजा यसस्सि सो ।।
'कुम्भण्डानं अधिपति, विरूळ्हो इति नामसो । रमती नच्चगीतेहि, कुम्भण्डेहि पुरक्खतो ।।
'पुत्तापि तस्स बहवो, एकनामाति मे सुतं । असीति दस एको च, इन्दनामा महब्बला ।।
'ते चापि बुद्धं दिस्वान, बुद्धं आदिच्चबन्धुनं । दूरतोव नमस्सन्ति, महन्तं वीतसारदं ।।
'नमो ते पुरिसाजञ, नमो ते पुरिसुत्तम | कुसलेन समेक्खसि, अमनुस्सापि तं वन्दन्ति । सुतं नेतं अभिण्हसो, तस्मा एवं वदेमसे ।।
'जिनं वन्दथ गोतमं, जिनं वन्दाम गोतमं । विज्जाचरणसम्पन्नं, बुद्धं वन्दाम गोतमं ।।
२९०.'यत्थ चोग्गच्छति सूरियो, आदिच्चो मण्डली महा ।
यस्स चोग्गच्छमानस्स, दिवसोपि निरुज्झति । यस्स चोग्गते सूरिये, संवरीति पवुच्चति ।।
'रहदोपि तत्थ गम्भीरो, समुद्दो सरितोदको । एवं तं तत्थ जानन्ति, समुद्दो सरितोदको ।।
'इतो सा पच्छिमा दिसा, इति नं आचिक्खती जनो । यं दिसं अभिपालेति, महाराजा यसस्सि सो।।
159
Jain Education International
For Private & Personal Use Only
www.jainelibrary.org
