________________
(३.९.२८७-२८७)
९. आटानाटियसुत्तं
१५७
सुरामेरयमज्जप्पमादट्ठाना वेरमणिया धम्म देसेति । येभुय्येन खो पन, भन्ते, यक्खा अप्पटिविरतायेव पाणातिपाता...पे०... अप्पटिविरता सुरामेरयमज्जप्पमादट्ठाना। तेसं तं होति अप्पियं अमनापं । सन्ति हि, भन्ते, भगवतो सावका अरञ्जवनपत्थानि पन्तानि सेनासनानि पटिसेवन्ति अप्पसद्दानि अप्पनिग्घोसानि विजनवातानि मनुस्सराहस्सेय्यकानि पटिसल्लानसारुप्पानि । तत्थ सन्ति उळारा यक्खा निवासिनो, ये इमस्मिं भगवतो पावचने अप्पसन्ना, तेसं पसादाय उग्गण्हातु, भन्ते, भगवा आटानाटियं रक्खं भिक्खूनं भिक्खुनीनं उपासकानं उपासिकानं गुत्तिया रक्खाय अविहिंसाय फासुविहाराया'ति । अधिवासेसिं खो अहं, भिक्खवे, तुण्हीभावेन । अथ खो, भिक्खवे, वेस्सवणो महाराजा मे अधिवासनं विदित्वा तायं वेलायं इमं आटानाटियं रक्खं अभासि -
२८७. विपस्सिस्स च नमत्थु, चक्खुमन्तस्स सिरीमतो ।
सिखिस्सपि च नमत्थु, सब्बभूतानुकम्पिनो ।।
'वेस्सभुस्स च नमत्थु, न्हातकस्स तपस्सिनो । नमत्थु ककुसन्धस्स, मारसेनापमद्दिनो ।।
'कोणागमनस्स नमत्थु, ब्राह्मणस्स् वुसीमतो । कस्सपस्स च नमत्थु, विप्पमुत्तस्स सब्बधि ।।
'अङ्गीरसस्स नमत्थु, सक्यपुत्तस्स सिरीमतो। यो इमं धम्म देसेसि, सब्बदुक्खापनूदनं ।।
'ये चापि निब्बुता लोके, यथाभूतं विपस्सिसुं । ते जना अपिसुणाथ, महन्ता वीतसारदा ।।
'हितं देवमनुस्सानं, यं नमस्सन्ति गोतमं । विज्जाचरणसम्पन्नं, महन्तं वीतसारदं ।।
157
Jain Education International
For Private & Personal Use Only
www.jainelibrary.org
