________________
(३.९.२८१-२८१)
९. आटानाटियसुत्तं
१५३
“यत्थ यक्खा पयिरुपासन्ति, तत्थ निच्चफला रुक्खा । नाना दिजगणा युता, मयूरकोञ्चाभिरुदा । कोकिलादीहि वग्गुहि ।।
"जीवजीवकसद्देत्थ, अथो ओट्ठवचित्तका । कुक्कुटका कुळीरका, वने पोक्खरसातका ।।
"सकसाळिकसद्देत्थ, दण्डमाणवकानि च । सोभति सब्बकालं सा, कुवेरनळिनी सदा ।।
"इतो सा उत्तरा दिसा, इति नं आचिक्खती जनो । यं दिसं अभिपालेति, महाराजा यसस्सि सो ।।
"यक्खानञ्च अधिपति, कुवेरो इति नामसो । रमती नच्चगीतेहि, यक्खेहेव पुरक्खतो ।।
"पुत्तापि तस्स बहवो, एकनामाति मे सुतं । असीति दस एको च, इन्दनामा महब्बला ।।
"ते चापि बुद्धं दिस्वान, बुद्धं आदिच्चबन्धुनं । दूरतोव नमस्सन्ति, महन्तं वीतसारदं ।।
"नमो ते पुरिसाजञ, नमो ते पुरिसुत्तम । कुसलेन समेक्खसि, अमनुस्सापि तं वन्दन्ति | सुतं नेतं अभिण्हसो, तस्मा एवं वदेमसे ।।
"जिनं वन्दथ गोतमं, जिनं वन्दाम गोतमं । विज्जाचरणसम्पन्नं, बुद्धं वन्दाम गोतम"न्ति ।।
153
Jain Education International
For Private & Personal Use Only
www.jainelibrary.org
