Page Text
________________
२२६
दीघनिकायो-२
(२.९.३८५-३८५)
सतिसम्बोज्झङ्गो'ति पजानाति, यथा च अनुप्पन्नस्स सतिसम्बोज्झङ्गस्स उप्पादो होति तञ्च पजानाति, यथा च उप्पन्नस्स सतिसम्बोज्झङ्गस्स भावनाय पारिपूरी होति तञ्च पजानाति ।
“सन्तं वा अज्झत्तं धम्मविचयसम्बोज्झङ्गं ‘अस्थि मे अज्झत्तं धम्मविचयसम्बोज्झङ्गो'ति पजानाति, असन्तं वा अज्झत्तं धम्मविचयसम्बोज्झङ्गं 'नत्थि मे अज्झत्तं धम्मविचयसम्बोज्झङ्गो'ति पजानाति, यथा च अनुप्पन्नस्स धम्मविचयसम्बोज्झङ्गस्स उप्पादो होति तञ्च पजानाति, यथा च उप्पन्नस्स धम्मविचयसम्बोज्झङ्गस्स भावनाय पारिपूरी होति तञ्च पजानाति ।
“सन्तं वा अज्झत्तं वीरियसम्बोज्झङ्गं ‘अत्थि मे अज्झत्तं वीरियसम्बोज्झङ्गो 'ति पजानाति, असन्तं वा अज्झत्तं वीरियसम्बोज्झङ्गं 'नत्थि मे अज्झत्तं वीरियसम्बोज्झङ्गो'ति पजानाति, यथा च अनुप्पन्नस्स वीरियसम्बोज्झङ्गस्स उप्पादो होति तञ्च पजानाति, यथा च उप्पन्नस्स वीरियसम्बोज्झङ्गस्स भावनाय पारिपूरी होति तञ्च पजानाति ।
"सन्तं वा अज्झत्तं पीतिसम्बोज्झङ्गं ‘अत्थि मे अज्झत्तं पीतिसम्बोज्झङ्गो ति पजानाति, असन्तं वा अज्झत्तं पीतिसम्बोज्झङ्गं 'नस्थि मे अज्झत्तं पीतिसम्बोज्झङ्गो 'ति पजानाति, यथा च अनुप्पन्नस्स पीतिसम्बोज्झङ्गस्स उप्पादो होति तञ्च पजानाति, यथा च उप्पन्नस्स पीतिसम्बोज्झङ्गस्स भावनाय पारिपूरी होति तञ्च पजानाति ।
"सन्तं वा अज्झत्तं पस्सद्धिसम्बोज्झङ्गं ‘अत्थि मे अज्झत्तं पस्सद्धिसम्बोज्झङ्गो 'ति पजानाति, असन्तं वा अज्झत्तं पस्सद्धिसम्बोज्झङ्गं 'नत्थि मे अज्झत्तं पस्सद्धिसम्बोज्झङ्गो 'ति पजानाति, यथा च अनुप्पन्नस्स पस्सद्धिसम्बोज्झङ्गस्स उप्पादो होति तञ्च पजानाति, यथा च उप्पन्नस्स पस्सद्धिसम्बोज्झङ्गस्स भावनाय पारिपूरी होति तञ्च पजानाति ।
“सन्तं वा अज्झत्तं समाधिसम्बोज्झङ्गं 'अस्थि मे अज्झत्तं समाधिसम्बोज्झङ्गो'ति पजानाति, असन्तं वा अज्झत्तं समाधिसम्बोज्झङ्गं 'नत्थि मे अज्झत्तं समाधिसम्बोज्झङ्गो 'ति पजानाति, यथा च अनुप्पन्नस्स समाधिसम्बोज्झङ्गस्स उप्पादो होति तञ्च पजानाति, यथा च उप्पन्नस्स समाधिसम्बोज्झङ्गस्स भावनाय पारिपूरी होति तञ्च पजानाति ।
“सन्तं वा अज्झत्तं उपेक्खासम्बोज्झङ्गं ‘अस्थि मे अज्झत्तं उपेक्खासम्बोज्झङ्गो'ति
226
Jain Education International
For Private & Personal Use Only
www.jainelibrary.org
| SR No. | 009977 |
| Book Title | Dighnikayo Part 2 |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 358 |
| Language | Sanskrit |
| Classification | Interfaith & Buddhism |
| File Size | 13 MB |