Page Text
________________
दीघनिकायो-२
चत्तारो ? सचे, भिक्खवे, खत्तियपरिसा राजानं चक्कवत्तिं दस्सनाय उपसङ्कमति, दस्सनेन सा अत्तमना होति । तत्र चे राजा चक्कवत्ती भासति, भासितेनपि सा अत्तमना होति । अतित्ताव भिक्खवे, खत्तियपरिसा होति । अथ खो राजा चक्कवत्ती तुम्ही होति । सचे भिक्खवे ब्राह्मणपरिसा... पे०... गहपतिपरिसा...पे०... समणपरिसा राजानं चक्कवत्तिं दस्सनाय उपसङ्कमति, दस्सनेन सा अत्तमना होति । तत्र चे राजा चक्कवत्ती भासति, भासितेनपि सा अत्तमना होति । अतित्ताव भिक्खवे, समणपरिसा होति, अथ खो राजा चक्कवत्ती तुण्ही होति । एवमेव खो, भिक्खवे, चत्तारोमे अच्छरिया अब्भुता धम्मा आनन्दे । सचे, भिक्खवे, भिक्खुपरिसा आनन्दं दस्सनाय उपसङ्कमति, दस्सनेन सा अत्तमना होति । तत्र चे आनन्दो धम्मं भासति, भासितेनपि सा अत्तमना होति । अतित्ताव भिक्खवे, भिक्खुपरिसा होति । अथ खो आनन्दो तुम्ही होति । सचे भक् भिक्खुनीपरिसा...पे०... उपासकपरिसा...पे०... उपासिकापरिसा आनन्दं उपसङ्कमति, दस्सनेन सा अत्तमना होति । तत्र चे आनन्दो धम्मं भासति, भासितेनपि सा अत्तमना होति। अतित्ताव भिक्खवे, उपासिकापरिसा होति । अथ खो आनन्दो तुही होति । इमे खो, भिक्खवे, चत्तारो अच्छरिया अब्भुता धम्मा आनन्दे 'ति ।
दस्सनाय
महासुदरसनसुत्तदेसना
२१०. एवं वुत्ते आयस्मा आनन्दो भगवन्तं एतदवोच "मा, भन्ते, भगवा इमस्मिं खुद्दकनगरके उज्जङ्गलनगरके साखानगरके परिनिब्बायि । सन्ति, भन्ते, अञ्ञानि महानगरानि, सेय्यथिदं - चम्पा राजगहं सावत्थी साकेतं कोसम्बी बाराणसी; एत्थ भगवा परिनिब्बायतु । एत्थ बहू खत्तियमहासाला, ब्राह्मणमहासाला गहपतिमहासाला तथागते अभिप्पसन्ना। ते तथागतस्स सरीरपूजं करिस्सन्ती 'ति । माहेवं, आनन्द, अवच; माहेवं, आनन्द, अवच - 'खुद्दकनगरकं उज्जङ्गलनगरकं साखानगरक 'न्ति ।
११०
“भूतपुब्बं, आनन्द, राजा महासुदस्सनो नाम अहोसि चक्कवत्ती धम्मिको धम्मराजा चातुरन्तो विजितावी जनप्पदत्थावरियप्पत्तो सत्तरतनसमन्नागतो । रञो, आनन्द, महासुदस्सनस्स अयं कुसिनारा कुसावती नाम राजधानी अहोसि, पुरत्थिमेन च पच्छिमेन च द्वादसयोजनानि आयामेन; उत्तरेन च दक्खिणेन च सत्तयोजनानि वित्थारेन । कुसावती, आनन्द, राजधानी इद्धा चेव अहोसि फीता च बहुजना च आण्णा च सुभिक्खा च । सेय्यथापि, आनन्द, देवानं आळकमन्दा नाम राजधानी इद्धा चेव होति
Jain Education International
110
(२.३.२१०-२१०)
For Private & Personal Use Only
www.jainelibrary.org
| SR No. | 009977 |
| Book Title | Dighnikayo Part 2 |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 358 |
| Language | Sanskrit |
| Classification | Interfaith & Buddhism |
| File Size | 13 MB |