Page Text
________________
दीघनिकायो-२
(२.३.१६८-१६८)
“तिठ्ठतु, भन्ते, भगवा कप्पं, तिठ्ठतु सुगतो कप्पं बहुजनहिताय बहुजनसुखाय लोकानुकम्पाय अत्थाय हिताय सुखाय देवमनुस्सान'"न्ति, यथा तं मारेन परियुट्टितचित्तो । अथ खो भगवा आयस्मन्तं आनन्दं आमन्तेसि- “गच्छ त्वं, आनन्द, यस्स दानि कालं मञसी''ति । “एवं, भन्ते''ति खो आयस्मा आनन्दो भगवतो पटिस्सुत्वा उट्ठायासना भगवन्तं अभिवादेत्वा पदक्खिणं कत्वा अविदूरे अञतरस्मिं रुक्खमूले निसीदि ।
मारयाचनकथा
१६८. अथ खो मारो पापिमा अचिरपक्कन्ते आयस्मन्ते आनन्दे येन भगवा तेनुपसङ्कमि; उपसङ्कमित्वा एकमन्तं अट्ठासि । एकमन्तं ठितो खो मारो पापिमा भगवन्तं एतदवोच- "परिनिब्बात दानि. भन्ते. भगवा: परिनिब्बात सगतो. परिनिब्बानकालो दानि. भन्ते. भगवतो। भासिता खो पनेसा. भन्ते. भगवता वाचा- 'न तावाह पापिम. परिनिब्बायिस्सामि. याव मे भिक्ख न सावका भविस्सन्ति वियत्ता विनीता विसारदा बहुस्सूता धम्मधरा धम्मानूधम्मप्पटिपन्ना सामीचिप्पटिपन्ना अनुधम्मचारिनो, सकं
आचरियकं उग्गहेत्वा आचिक्खिस्सन्ति देसेस्सन्ति पञपेस्सन्ति पट्ठपेस्सन्ति विवरिस्सन्ति विभजिस्सन्ति उत्तानीकरिस्सन्ति, उप्पन्नं परप्पवादं सहधम्मेन सुनिग्गहितं निग्गहेत्वा सप्पाटिहारियं धम्मं देसेस्सन्ती'ति । एतरहि खो पन, भन्ते, भिक्खू भगवतो सावका वियत्ता विनीता विसारदा बहुस्सुता धम्मधरा धम्मानुधम्मप्पटिपन्ना सामीचिप्पटिपन्ना अनुधम्मचारिनो, सकं आचरियकं उग्गहेत्वा आचिक्खन्ति देसेन्ति पञपेन्ति पट्टपेन्ति विवरन्ति विभजन्ति उत्तानीकरोन्ति, उप्पन्नं परप्पवादं सहधम्मेन सुनिग्गहितं निग्गहेत्वा सप्पाटिहारियं धम्मं देसेन्ति । परिनिब्बातु दानि, भन्ते, भगवा; परिनिब्बातु सुगतो, परिनिब्बानकालो दानि, भन्ते, भगवतो ।
“भासिता खो पनेसा, भन्ते, भगवता वाचा - 'न तावाहं, पापिम, परिनिब्बायिस्सामि, याव मे भिक्खुनियो न साविका भविस्सन्ति वियत्ता विनीता विसारदा बहुस्सुता धम्मधरा धम्मानुधम्मप्पटिपन्ना सामीचिप्पटिपन्ना अनुधम्मचारिनियो, सकं आचरियकं उग्गहेत्वा आचिक्खिस्सन्ति देसेस्सन्ति पञपेस्सन्ति पट्ठपेस्सन्ति विवरिस्सन्ति विभजिस्सन्ति उत्तानीकरिस्सन्ति, उप्पन्नं परप्पवादं सहधम्मेन सुनिग्गहितं निग्गहेत्वा सप्पाटिहारियं धम्म देसेस्सन्ती'ति । एतरहि खो पन, भन्ते, भिक्खुनियो भगवतो साविका वियत्ता विनीता विसारदा बहुस्सुता धम्मधरा धम्मानुधम्मप्पटिपन्ना सामीचिप्पटिपन्ना
80
Jain Education International
For Private & Personal Use Only
www.jainelibrary.org
| SR No. | 009977 |
| Book Title | Dighnikayo Part 2 |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 358 |
| Language | Sanskrit |
| Classification | Interfaith & Buddhism |
| File Size | 13 MB |