Page Text
________________
(१.१०.४५७-४६१)
१०. सुभसुत्तं
१८५
४५७. “सो इमिना च अरियेन सीलक्खन्धेन समन्नागतो, इमिना च अरियेन इन्द्रियसंवरेन समन्नागतो, इमिना च अरियेन सतिसम्पजञ्जन समन्त्रागतो, इमाय च अरियाय सन्तुट्ठिया समन्नागतो विवित्तं सेनासनं भजति अरजं रुक्खमूलं पब्बतं कन्दरं गिरिगुहं सुसानं वनपत्थं अब्भोकासं पलालपुर्ज। सो पच्छाभत्तं पिण्डपातप्पटिक्कन्तो निसीदति पल्लवं आभुजित्वा, उजु कायं पणिधाय, परिमुखं सतिं उपट्ठपेत्वा ।
४५८. “सो अभिझं लोके पहाय विगताभिज्झेन चेतसा विहरति अभिज्झाय चित्तं परिसोधेति । ब्यापादपदोसं पहाय अब्यापन्नचित्तो विहरति सब्बपाणभूतहितानुकम्पी ब्यापादपदोसा चित्तं परिसोधेति । थिनमिद्धं पहाय विगतथिनमिद्धो विहरति आलोकसञ्जी सतो सम्पजानो, थिनमिद्धा चित्तं परिसोधेति। उद्धच्चकुक्कुच्चं पहाय अनुद्धतो विहरति अज्झत्तं वूपसन्तचित्तो उद्धच्चकुक्कुच्चा चित्तं परिसोधेति । विचिकिच्छं पहाय तिण्णविचिकिच्छो विहरति अकथंकथी कुसलेसु धम्मेसु, विचिकिच्छाय चित्तं परिसोधेति ।
___४५९. “सेय्यथापि, माणव, पुरिसो इणं आदाय कम्मन्ते पयोजेय्य । तस्स ते कम्मन्ता समिज्झेय्युं । सो यानि च पोराणानि इणमूलानि तानि च ब्यन्तिं करेय्य, सिया चस्स उत्तरं अवसिटुं दारभरणाय । तस्स एवमस्स - “अहं खो पुब्बे इणं आदाय कम्मन्ते पयोजेसिं । तस्स मे ते कम्मन्ता समिज्झिंसु । सोहं यानि च पोराणानि इणमूलानि तानि च ब्यन्तिं अकासिं, अस्थि च मे उत्तरं अवसिटुं दारभरणाया"ति । सो ततोनिदानं लभेथ पामोज्जं, अधिगच्छेय्य सोमनस्सं |
४६०. “सेय्यथापि, माणव, पुरिसो आबाधिको अस्स दुक्खितो बाळहगिलानो; भत्तञ्चस्स नच्छादेय्य, न चस्स काये बलमत्ता। सो अपरेन समयेन तम्हा आबाधा मुच्चेय्य, भत्तञ्चस्स छादेय्य, सिया चस्स काये बलमत्ता । तस्स एवमस्स- “अहं खो पुब्बे आबाधिको अहोसिं दुक्खितो बाळहगिलानो, भत्तञ्च मे नच्छादेसि, न च मे आसि काये बलमत्ता। सोम्हि एतरहि तम्हा आबाधा मुत्तो भत्तञ्च मे छादेति, अस्थि च मे काये बलमत्ता"ति । सो ततोनिदानं लभेथ पामोज्जं, अधिगच्छेय्य सोमनस्सं ।
४६१. “सेय्यथापि, माणव, पुरिसो बन्धनागारे बद्धो अस्स । सो अपरेन समयेन तम्हा बन्धनागारा मुच्चेय्य सोत्थिना अब्भयेन, न चस्स किञ्चि भोगानं वयो। तस्स एवमस्स - “अहं खो पुब्बे बन्धनागारे बद्धो अहोसिं । सोम्हि एतरहि तम्हा बन्धनागारा
185
Jain Education International
For Private & Personal Use Only
www.jainelibrary.org
| SR No. | 009976 |
| Book Title | Dighnikayo Part 1 |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 358 |
| Language | Sanskrit |
| Classification | Interfaith, Buddhism, R000, & R005 |
| File Size | 13 MB |