________________
प्राकृतस्तोत्रप्रकाशः
३०७
जस्स मणं चारित्ते, लीणं णियरइपमोयसंपुण्णं । तं कुलनारि व्व सुहा, लिच्छंति पसत्थलद्धीओ ॥११॥ इह सुहसिद्धिमहत्तं, पसंतिमयजीवणं परूवयारो । मुत्तिपयं पाविज्जा, परत्थचारित्तसेवाए ॥१२॥ लोयविहाराईसुं, जस्स फलं सुंदरं न तं दुक्खं । कुसुमोदाहरणाओ, सुहं दुहं बज्झदिट्ठीए ॥१३॥ पोल्लाससाहणाओ, सिणिद्धकम्मप्पणासणं होज्जा । गुणबंधणदुहसहणा, चडंति पुप्फाइ निवसीसे ॥१४॥ सम्मत्तं विण्णाणं, देवाइगईसु वावि संभवए । सम्मचरणसंसेवा, मणुयत्ते चेव णण्णत्थ ॥१५।। अट्ठगुणा चारित्ते, सावज्जारंभजोगपरिहारो । नारीतणयाईणं, न दुव्वयणदुक्खपरिसहणं ॥१६।। न नई भूवाईणं, न चिंतणा भोयणाइयत्थाणं । नाणाइयवरलाहो, लोए सम्माणपूयाओ ॥१७॥ पसमसुहमहाणंदो, मुत्तिपरमसंपया वि पज्जते । एवं णच्चा भव्वा !, चारित्ताराहणं कज्जं ॥१८॥ सच्चारित्ताहारो, पवयणजणणीउ लद्धचारित्ते । ता संसज्झा नेहा, जत्तो चारित्तपुण्णफलं ॥१९।। पंचासवपरिचाओ, पंचिंदियनिग्गहो कसायाणं । परिहारो गुत्तितिगं, सगदसभेएहिं चारित्तं ॥२०॥ जयणापुव्वपवित्ती, पसंसणिज्जा जिणुत्तचारित्ते । जयणा महप्पहावा, वड्डइ धम्मं थिरं कुणए ॥२१॥ भेयतिगं जीवाणं, तत्थाविरया पमत्तचारित्ती । अपमत्ता णिग्गंथा, विण्णेया पल्लदिटुंता ॥२२॥ महपल्ले कोइ जहा, कुंभं खिवए विसाहए नालि । एवमविरई बंधइ, बहु थोवं चेव निज्जरए ॥२३।। एत्ताहे विवरीयं, पमत्तसंजयमुणीण विण्णेयं । बहु निज्जरंति थोवं, बंधते ते चरणजोगा ॥२४॥ बहु निज्जरंति भव्वा, अपमत्ता किंवि णेव बंधेते । एवं वियारिऊणं, जे भव्वा निम्मलं चरणं ॥२५।। साहंते पज्जंते, ते सग्गं वापवग्गपुण्णसुहं । सुहझाणा पहसंता, समाहिमरणाउ पावेंते ॥२६।। पत्तावसरो विक्खा-वहति खेयं मसाणमोयगहं । चिच्चा जीव ! भवंता, संजमसंसाहणं कज्ज ॥२७॥
