________________
२५६
श्रीविजयपद्मसूरिविरचितः
तत्थ ज्झयणं विहियं, मुणीसरेणं जसेण वरमइणा । विप्पगुरूणं पासे, दरिसणछक्कत्थगंथाणं ॥१७॥ पाईणणव्वणाओ, विण्णाओ वरिसतितयमज्झमि । सिरितत्ताइयचिंता-मणी विणाय प्पकालंमि ॥१८।। परिसाए विउहाणं, तक्कियमुक्खेण तेण संण्णासी । सिग्धं जिओ पइट्ठा, लद्धा महई जसेण तया ॥१९॥ णायविसारयपयवी, तस्स विइण्णा पसण्णविण्णेहिं । तक्कियसेहरसहिया, गुरू वि अग्गाउरं पत्ता ॥२०॥ चउवरिसे सत्थाणं, सेसाणं तक्कियाण पासंमि । णायायरियस्सेह-ऽब्भासो तेणं कओ तत्थ ॥२१।। सिग्धं मओ निरत्थो, वणारसीदाससीसकुंअरस्स । तत्तो ते संपत्ता, जइणउरीरायणयरंमि ॥२२॥ थिरया सिरिणागोरी-सालामज्झे कया मुया तेहिं । वाइविउहसत्थेसुं, लद्धं माणं जसेण तया ॥२३।। माबतखानहिगारी, इह गुणरसिओ पयाणकूलमई । तस्स सहाए जाया, जससंसा ता समाहूया ॥२४॥ मुणिवरसिरिजसविजया, करीअ मेहाबलाऽवहाणाई । अट्ठारस तत्थ तया, तत्तो हिट्ठोऽहिगारी सो ॥२५।। भव्वुस्सव्वाइपुव्वं, सम्माणं पि य करीअ हरिसेणं । जिणसासणस्स विहिया, पहावणा सिरिजसेण वरा ॥२६।। वायगपयस्स जुग्गा, बहुस्सुया जे य पुज्जजसविजया । इय विण्णत्ती विहिया, पासे सिरिदेवसूरिस्स ॥२७॥ रायणयरसंघेणं, विणयविवेयाइगुणगणड्डेणं । ठविया सा हिययंमि, तेणाऽऽयरिएण गुरुमइणा ॥२८।। उत्तमवीसइठाणा-राहणतप्परविबुद्धजसगणिणो । णियगुरुणो आणाए, विजयप्पहसूरिणाऽऽणंदा ॥२९।। गयससिहइंदु(१७१८)वासे, संघुल्लासुस्सवाइजोगेणं । दिन्नमुवज्झायपयं, जसविजया वायगा जाया ॥३०॥ अज्झप्पणायजोगा, जेणं परिचच्चिया सगंथेसु । तं वायगजसविजयं, सरंति धण्णा णरा णिच्चं ॥३१।। गुणजुगहइंदु(१७४३)वासे, तेणं दब्भावइचउम्मासे । सग्गपयं संपत्तं, अणसणसुसमाहिविहिपुव्वं ॥३२॥ इय जसचरियं सिटुं, गुणाणुरागेण लेसओ भणियं । नाणाणुकरणभावा, लहेह परमुण्णई भव्वा ! ॥३३।।
