________________
५९] पढमो वग्गो
२७ वयासी-" न एयं, सामी, जुत्तं वा पत्तं वा रायसरिसं वा, जंण सेयणगं अट्ठारसवंकं कूणियस्स रन्नो पञ्चप्पिणिजइ, वेहल्ले य कुमारे सरणागए पेसिजइ । तं जइणं कूणिए राया चाउरङ्गिणीए सेणाए सद्धि संपरिखुडे जुद्धसजे इहं हव्वमागच्छइ, तए णं अम्हे कृणिएणं रन्ना सद्धिं जुज्झामो"।५७॥
तए णं से चेडए राया ते नव मल्लई नव लेच्छई कासीकोसलगा अट्ठारस वि गणरायाणो एवं वयासी-"जइ णं, देवाणुप्पिया, तुब्भे कृणिएणं रन्ना सद्धिं जुज्झह, तं गच्छह णं, देवाणुप्पिया, सएसु २ रजेसु ण्हाया, जहा कालाईया," जाव जएणं विजएणं वद्धान्ति । तए णं से चेडए राया कोडम्बियपुरिसे सद्दावेइ, २ एवं वयासी-"आभिसेक्कं, जहा कृणिए," जाव दुरूढे ॥५८॥ . तए णं से चेडए राया तिहिं दन्तिसहस्सेहिं, जहा कूणिए, जाव वेसालिं नरिं मझमज्झेणं निग्गच्छइ । २ जेणेव ते. नव मलई नव लेच्छई कासीकोसलगा अट्ठारस वि गणरायाणो, तेणेव उवागच्छइ । तए णं से चेडए राया सत्तावन्नाए दन्तिसहस्सेहिं सत्तावन्नाए आससहस्सेहिं सत्तावन्नाए रहसहस्सेहिं सत्तावन्नाए मणुस्सकोडीहिं सद्धिं संपरिखुडे सव्विड्डीए जाव रवणं सुभेहिं वसहीहिं पायरासेहि नाइविगिटेहिं अन्तरेहिं वसमाणे २ विदेहं जणवयं मझंमज्झेणं जेणेव देसपन्ते, तेणेव उवागच्छइ, २ खन्धावारनिवेसणं करेइ, २ कृणिय रायं पडिवालेमाणे जुद्धसजे चिट्ठइ ॥ ५९॥
तए णं से कृणिए राया सविडीए जावरवणं जेणेव देस
