________________
१०
निरयावलियासु
[ २४
66
तुसिणीया संचिट्ठर । तए णं से सेणिए राया चेल्लणं देविं दोच्चं पि तच्चं पि एवं वयासी- “किं णं अहं, देवाणुप्पिए, एयमट्ठस्स नो अरिहे सवणयाए, जं णं तुमं एयमहं रहस्सीकरेसि ? " तए णं सा चेल्लणा देवी सेणिएणं रन्ना दोच्चं पि तच्चं पि एवं वृत्ता समाणी सेणियं रायं एवं वयासी- "नत्थि णं, सामी, से केइ अट्ठे, जस्स णं तुब्भे अणरिहा सवणयाए, नो चेव णं इमस्स अट्ठस्स सवणयाए। एवं खलु सामी । ममं तस्स ओरालस्स जाव महासुमिणस्स तिन्हं मासाणं बहुपडिपुण्णाणं अयमेयारूवे दोहले पाउन्भूए 'धन्नाओ णं ताओ अम्मयाओ, जाओ णं तुब्भं उयरवलिमंसेहिं सोलरहि य जाव दोहलं विणेन्ति' । तए णं अहं, सामी, तंसि दोहलंसि अविणिजमाणंसि सुक्का भुक्खा जाव झियामि " ॥२४॥
तए णं से सेणिए राया चेल्लणं देविं एवं वयासी - " मा णं तुमं, देवाणुप्पिए, ओहय' जाव झियाहि । अहं णं तहा जत्तिहांमि जहा णं तव दोहलस्स संपत्ती भविस्सइ " ति कट्टु चल्लणं देवं ताहिं इट्टाहिं कन्ताहिं पियाहिं मणुन्नाहिं मणामाहिं ओरालाहिं कल्लाणाहिं सिवाहिं धन्नाहिं मङ्गल्लाहिं मियमहुरसस्सिरीयाहिं वग्गूहिं समासासेइ । २ बेल्लणाए देवीए अन्तियाओ पडिणिक्खमइ । २ जेणेव बाहिरिया उवट्ठाणसाला, जेणेव सीहासणे, तेणेव उवागच्छर, २ ता सीहासणवरंसि पुरत्थाभिमुहे निसीयइ, तस्स दोहलस्स संपत्तिनिमित्तं बहूहिं आपहिं उवाएहि य, उप्पत्तियाए य वेणइयाए य कम्मियाए य परिणामियाए य परिणामेमाणे २.
१. A. वत्तिहामि
