SearchBrowseAboutContactDonate
Page Preview
Page 61
Loading...
Download File
Download File
Page Text
________________ Shri Mahavir Jain Aradhana Kendra www.kobatirth.org Acharya Shri Kailassagarsuri Gyanmandir रायपसेणियं - ७४ अरहा जिणे केवली सव्वभावेणं जाणइ पासइ तं जहा-धम्मस्थिकायं [अधम्मस्थिकायं आगसस्थिकायं जीवं असरीरवद्धं परमाणुपोग्गलं सदं गंधं वायं अयं जिणे भविस्सइ वा नो भविस्सइ अयं सव्यदुक्खाणं अंतं करिस्सइ वा] नो वा करिस्सइ तं सद्दहाहि णं तुमं पएसी जहा-अन्नो जीवो अन्नं सरीरं नो तजीवोतं सरीरं ।७३।-73 (७४) तए णं से पएसी राया केसि कुमार-समणं एवं वयासी-से नूणं मते हथिस्स कुंथुस्सय समे चैव जीवे हंता पएसी हस्थिस्स य कुंथुस्स य समे चेव जीवे से नूणं भंते हत्थीओ कुंथू अप्पकम्मतराए चेव अप्पकिरियतराए चेव अप्पासवतराए चेव अप्पाहारतराए चेव अप्पनीहारतराए चेव अप्पुस्सासतराए चेव अप्पनीसासतराए चेव अप्पिड्वितराए चेव अप्पमहतराए चैव अप्पञ्जुइत्तराए घेव] कुंथुओ हत्यी महाकम्मतराए चेव महाकिरिय तिराए चेव महासवतराए चेव महाहारतराए चेव महानीहारतराए चेव महाउस्सासतराए चेव महानीसासतराए चेव महिड्ढितराए चेव महामहतराए चेव महजुइतराए वेव] हंता पएसी हत्थीओ कुंथू अप्पकम्पतराए चेव कुंथूओ वा हत्थी पहाकम्पतराए चेव हत्थीओ कुंथू अप्पकिरियतराए चेव कुंथूओ वा ही महाकिरियतराए चेव हत्थीओ कुंथू अप्पासवतराए चैव कुंथूओ वा हत्थी महासवतराए चैव एवं आहार-नीहार-उस्सासनीसास इद्धि-महजुइएहि इत्थीओ कुंथूअस्पतराए चेव कुंयूओवा हत्थी महातराए चेव] पएसी से जहानामए कूडागारसाला सिवा-[दूहओ लित्ता गुत्ता गुत्तदुवारा निवाया निवाय गंभीरा अह णं केइ पुरिसे जोइं व दीयं व गहायं तं कूडागारसालं अंतो-अंतो अनुपविसइ तीसे कूडागारसालाए सव्वत्तो समंता घण-निचिय-निरंतर-निछिड्डाई दुवार-बवणाई पिहेति तीसे कूडागारसालाए वहुमन्झदेस-भाए तं पईव पलीवेजा तए णं से पईवे तं कूडागारसालं अंतो-अंतो ओभासेइ उञ्जोवेइ तावेति पभासेइ नो चेव णं बाहिं अह णं से पुरिसे तं पईवं इड्डरएणं पिहेजा तए णं से पईचेतंइड्रयं अंतो-अंतो ओभासेइ उज्जोवेइ तावेति पभासेइ नो चेवणंइडरगस्स वाहिं नोचेवणं कूडागारसालं नो चेव णं कूडागारसालाए बाहिं एवं-गोकिलिंजेणं पच्छियापिडएणं गंडमाणियाए आढएणं अद्धाढएणं पत्थएणं अद्धपत्थएणं कुलवेणं अद्धकुलवेणं चाउभाइयाए अट्ठभाइयाए सोलसियाए बत्तीसियाए चउसट्ठियाए अहं णं से पुरिसे तं पईवं दीवचंपएणं पिहेजा तएणं से पदीवे दीवचंपगास अंतो-अंतो ओभासेति उज्जायेइ तावेति पभासेइ नो चेव णं दीवचंपगस्स बाहिं नो चेल णंचउसहिया बाहिं नो चेवणं कूडागारसालं नो चेवणं कूडागारसालाए बाहिं एवामेव पएसी जीवे विजंजारिसयं पुव्वकम्मनिवद्धं बोदिं निव्वत्तेइ तं असंखेनेहिं जीवपदेसेहिं सचित्तीकरेइ-खुड्डियं वा पहालियं वा तं सद्दहाहिणं तुमंपएसी जहा-अन्नो जीवो अन्नं सरीरं नो तजीवो तं सरीरं ।७४ |-74 (७५) तएणं पएसी राया केसि कुमार-समणं एवं वयासी-एवं खलु भंते मम अजगस्स एस सण्णा एस पइण्णा एस दिट्ठी एस रुई एस हेऊ एस उवएसे एस संकप्पे एस तुला एस माणे एस पमाणे एस समोसरणे जहा-तजीवो तं सरीरं नो अन्नोजीयो अन्नं सरीरंतयाणंतरं च णं ममं पिउणो विएस सप्णा [तजीवोतं सरीरं नो अन्नो जीवो अन्नं सरीरं] तयाणतरं मम विएस सण्णा तज्जीवोतं सरीरं नो अन्नो जीवो अन्नं सरीरं तं नो खलु अहं बहुपुरिसपरंपरागयं कुलपिस्सियं दिट्टि छडेसामि तएणं केसी कुमार-समणे पएसिरायं एवं वयासी-माणं तुमं पएसी पच्छाणुताविए भवेत्रासि जहा व से पुरिसे अयहारए के णं भंते से अयहारए पएसी से जहानामए-केइ पुरिसा अत्यथी अत्थगवेसी For Private And Personal Use Only
SR No.009739
Book TitleAgam 13 Raipaseniyam Uvangsutt 02 Moolam
Original Sutra AuthorN/A
AuthorDipratnasagar, Deepratnasagar
PublisherAgam Shrut Prakashan
Publication Year1996
Total Pages74
LanguagePrakrit
ClassificationBook_Devnagari, Agam, Canon, Agam 13, & agam_rajprashniya
File Size2 MB
Copyright © Jain Education International. All rights reserved. | Privacy Policy