Agam 11 Vivagsuyam Angsutt 11 Moolam

SR No.: 009737
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 1996
Total Pages: 50
Language: Prakrit
Classification: Book_Devnagari, Agam, Canon, Agam 11, & agam_vipakshrut
File Size: 1 MB

Page 35

विवागसुयं - १/८/३२
विण्णयपरिणयमेत्ते जोब्बणगमणुप्पत्ते यावि होस्था तए णं से समुद्ददत्ते अण्णया कयाइ कालधम्मुणा संजुत्ते तए णं से सोरियदत्ते दारए बहूहि मित्त-जाव रोयमाणे कंदमाणे विलमाणे समुद्ददत्तस्स नीहरणं करेइ करेत्ता बहूई लोइयाइं मयकिचाई कोई अण्णया कयाइ सयमेव मच्छंधमहत्तरगत्तं उवसंपजित्ता णं विहरइ तएणं से सोरियदत्ते दारए मच्छंधे जाए अहम्मिए जाव दप्पडियाणंदे तए णं तस्स सोरिवदत्तस्स मच्छंधस्स वहवे परिसा दिण्णभइ भत्त चेयणा कल्लाकल्लिं एगानुयाहिं जउणं महानई ओगाहेंति ओगाहेत्ता बहूहिं दहगलणेहि य दहमलोहे य दहपद्दणेहि य दहमहणेहि य दहवहणेहि य दहपवहणेहि य मच्छंधुलेहि य पंयचुलेहि य पंचपुलेहि य जंभाहि य तिसराहिय भिसराहि य धिसराहि य विसराहि च हिल्लिरीहि य भिल्लिरीहि य गिल्लिरीहि यझिल्लिरीहि यजालेहि य गलैहि य कडपासेहि व वककबंधेहि य सत्तबंधेहि व बालबंधेहि य वहवे सोहमच्छे जाव पडागाइपड़ागे य गेण्हंति एगट्टियाओ भरेंति भरेता कूलं गाहेति गाहेता मच्छखलए करेंति करेत्ता आयवंसि दलयंति अण्णे य से बहवे पुरिसा दिण्णमइ-भत्त-वैषणा आयव-तत्तएहिं मच्छेहिं सोल्लेहि य तलियएहि व भजिएहि य रायमग्गसि वित्तिं कप्पेमाणा विहरंति अप्पणा विणं से सोरियदो वरहि सहमच्छेहि यजावपड़ागाइपडागेहि य सोल्लेहि यतलिएहि य जाव परिभुजेमाणे विहरइ तए णं तस्स सोरिचदतस्स मच्छंधस्स अण्णया कयाइ ते मच्छे सोले य तलिए य भजिए य आहारमाणस्स मच्छ कंटए गलए यावी होत्था तए णं से सोरियदत्ते पच्छंधे महयाए वेयणाए अभिभूए समाणे कोडुबियपुरिसे सद्दावेइ सद्दावेत्ता एवं वयासी-गच्छहं णं तुडभे देवाणुप्पिया सोरियपुरे नवरे सिपाइग-जाव पहेतु य महया महया सणं उग्धोसमाणा एवं वयह-एवं खलु देवाणप्पिया सोरियदत्तस्स मच्छकंटए गले लग्ये तं जो णं इच्छइ वेजो वा वैजपुत्तो वा जाणुओ वा जाणुयपुत्तो वा तेगिच्छिओ वा तेगिच्छिवपुत्तो वा सोरियदत्तास मच्छियस्स मच्छकंटवं गलाओ नीहरित्तए तस्स णं सोरियदत्ते विरलं अस्थसंपयाणंदलयइ तए णं ते कोइंवियपुरिसा जाव उग्घोसंति तएणं ते यहचे वेज्जा य वेजपुत्ता यजाणुयाय जाणुयपुत्ता य तेगिच्छिया य तेगिच्छयपुत्ताय इमं एयारूवं उग्घोसणं निसामेति निप्तामत्ता जेणेव सोरियदत्तम्स गेहे जेणेच तोरिवदत्ते मच्छंधे तेणेव उवागच्छंति उवागच्छिता बहूहि उप्पत्तियाहि य वेणइयाहि य कमियाहि य पारिणामियाहि व बुद्धीहिं परिणामेमाणा-परिणापेमाणा वमणेहि य छहुणेहि य ओवीलणेहि य कवलगाहेहि य सल्लुद्धरणेहि य विसल्लकरणेहि य इच्छंति सोरिचदत्तस्स मच्छंधस्स मच्छकंटयं गलाओ नीहरितए नो संचाएंति नीहरित्तए वा विसोहितए वा तएणं ते वेज्जा यजाव तेगिच्छियपुत्ताय जाहे नो संचाएंति सोरियदत्तस्स पछंधस्स मच्छकंटगं गलाओ नीहरित्तए ताहे संता तंता परितंता जामेव दिसं पारव्यूपा तामेव दिसंपडिपया तए णं से सोरियदत्ते मच्छंधे वैजपडियाइक्खिए परियारगपरिचत्ते निविण्णोसहभेसज्जे तेणं दुक्खेणं अभिभूए समाणे सुक्के भुखे जाव किमियकवले य वममाणे विहरइ एवं खलु गोयमा सोरियदत्ते पुरा पोराणाणं [दुच्चिण्णाणं दुप्पडिक्कंताणं असुभाणं पावाणं कडाणं कप्माणं पावगं फलवित्तिविसेसं पच्चणुभवमाणे] बिहाइ सोरियदत्ते णं मंते मच्छंधे इओ कालमासे कालं किच्चा कहिं गच्छिहिइ कहिं उववञ्जिहिइ गोयमा सत्तारं वासाई परमाउं पालइत्ता कालमासे कालं किच्चा इमीसे रवणप्पभाए पुढवीए नेरइएसु नेरइयत्ताए उववञ्जिहिइ संसारो तहेव हत्यिणाउरे नयरे मच्छताए उववजिहइ से णं तओ मच्छिएहिं जीवियाओ ववरोविए तत्येव सेठिकुलंसि उववजिहिइ योही सोहम्मे कप्पे महाविदेहे वासे सिज्झिहिइ [एवं खलु जंबू समणेणं