Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
सुयांघो १, अज्झणं ३
कूडागारसालं च से आवसहिं दलवई तए णं से अभग्गसेणे चोरसेणावई महब्बलेणं रण्णा विसज्जिए समाणे जेणेव कूड़ागारसाला तेणेव उवागच्छइ तए णं से महब्बले राया कोडुंबियपुरिसे सद्दावेइ सद्दावेत्ता एवं बयासी- गच्छह णं तुभे देवाणुप्पिया विउलं असणं पाणं खाइमं साइमं उक्खडावेह उक्खडावेत्ता तं विउलं असणं जाव अभग्गासेणस्स चोरसेणावइस्स कूडागारसालाए उबणेह तए णं ते कोडुंबियपुरिसा कायल परिगाहियं सिरसावत्तं मत्यए अंजलिं कट्टु जाव उवणेतिं तए णं से अभग्गसेणे चोरसेणावई बहूहिं [मित्त-नाइ नियग-सयण-संबंधि-परियणेहिं] सद्धिं संपरिवुड़े व्हाए जाच सव्वालंकारविभूसिए तं विउलं असणं पाणं खाइमं साइमं सुरं च महुं च मेरगं च जाईच सीधुंच पसण्णं च आसाएमाणे वीसाएमाणे परिभाएमाणे परिभुंजेमाणे पपत्ते विहरइ तए णं से महब्बले राया कोडंवुयपुरिसे सहावे सद्दावेत्ता एवं बयासी- गच्छह णं तुभे देवाणुप्पिया पुरिमतालस्स नवरस्स दुबारस्स दुबाराई पिहेह पिहेत्ता अभग्गलेणं चोरसेणावई जीवग्गाहं गिण्हह गिव्हित्ता ममं उवणेह तए णं ते कोडुंबियपुरिसा करयल जाव पडिसुणेत्ता पुरिमतालस्स नयरस्स दुवारा पिर्हेति अभग्गसेणं चोरसेणावई जीवग्ग्राहं गिण्हंति गिण्हित्ता महब्बलस्स रण्णो उवर्णेति तए णं से महब्वले राया अभग्गसेणं चोरसेणावई एएणं विहाणेणं वज्ां आणवेइ एवं खलु गोपमा अभग्गसेणे चोरसेणावई पुरा पोराणाणं [दुचिण्णाणं दुप्पडिक्कंताणं असुभाणं पायाणं कडाणं कम्माणं पावगं फलवित्ति-विसेसं पचणुभवमाणे विहरइ] अभग्गसेणे णं भंते चोरसेणावई कालमासे कालं किच्चा कर्हि गच्छिरिं कर्हि उववजिहिइ गोयमा अभागसेणे चीरसेणावई सत्ततीलं वासाई परमाउं पालइत्ता अजेव तिभागावसेसे दिवसे सूलभिण्णे कए समाणे कालमासे कालं किया इमीसे रयणप्पभाए पुढवीए उक्कोस नेरइएसु उववजिहिं से णं तओ अनंतरं उच्चट्टित्ता एवं संसारो जहा पढमे जाव - पुढवीसुतओ उव्वट्टित्ता वाणारसीए नयरीए सूबरताए पचयाहिइ से णं तत्थ सोयरिएहिं जीवियाओ समाणे ववरोविए समाणे तत्येव वाणारसीए नयरीए सेट्ठिकुलंसि पुत्तत्ताए पच्चयाहिइ से जं तत्थ उम्मुक्कबालभावो एवं जहा पढमे जाव अंतं काहिइ [एवं खलुं जंबू समणेणं भगवया महावीरेणं जाव संपत्तेणं दुहविवागाणं तइयस्स अज्झयणस्स अयमठ्ठे पन्नत्ते]त्ति बेमि । १९1-20
● पटमे सुयक्खंधे तइयं अज्झयणं समत्तं •
-: च उत्थं अज्झ य णं- स ग डे:
१९
(२४) जइ णं भंते [समणेणं भगवया महावीरेणं जाव संपत्तेणं दुहविवागाणं तस्स अज्झयणस्स अयमट्ठे पन्नत्ते चउत्यस्स णं भंते अज्झयणस्स समणेणं भगवया महावीरेण के अड्डे पत्रत्ते तए णं से सुहम्मे अणगारे जंबू- अणगारं एवं वयासी एवं खलु जंबू तेणं कालेणं तेणं समएणं साहंजणी नामं नयरी होत्या-रिद्धत्थिमियसमिद्धा तीसे गं साहंजणीए नयरीए बहिया उत्तरपुरत्थिमे दिसीभाए देवरमणे नामं उज्जाणे होत्या तत्थ णं अमोहरसजक्खस्स जक्खायणे होत्या-पोराणे तत्य णं साहंजणीए नयरीए महचंदे नामं राया होत्या-महयाहिमवंत-महंत मलय-मंदर - महिंदसारे तस्स णं महचं दस्सरणो सुसेणे नामं अमचे होत्था साम-भेय-दंड- उवप्पयाण-नीति-सुप्पउत्त- नयविहण्णू तत्थ णं साहंजणीए नयरीए सुदरिसणा नामं गणिया होत्या वण्णओ तत्थ णं साहंजणीए नयरीए सुभद्दे नामं सत्यवाहे होत्या-अड्ढे तस्स गं सुभद्दस्स सत्यवाहस्स मद्दा नामं भारिया होत्या- अहीणपडिपुत्रपंचिंदियसरीरा तस्स णं सुभद्दस्स सत्यवाहस्स पुत्ते भद्दाए भारियाए अत्तए सगडे नामं दारए होत्या- अहीण-पडिपुत्र-पंचिंदियसरीरे तेणं कालेणं तेणं समएणं समणे भगवं महावीरे समोसारिए
For Private And Personal Use Only
| SR No. | 009737 |
| Book Title | Agam 11 Vivagsuyam Angsutt 11 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 50 |
| Language | Prakrit |
| Classification | Book_Devnagari, Agam, Canon, Agam 11, & agam_vipakshrut |
| File Size | 1 MB |