Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
सुपखंपो-२, अभ्यपणं-६, उदेसो-१
सणि जाई ति पण्णमाणे लामे संते नो पडिगाहेजा इच्चेयाई आयातणाई उपातिकम्म अह भिक्खू जाणेजा चउहि पडिमाहि पायं एसितए तत्थ खलु इमा पढमा पडिमा-से भिक्यू वा मिक्खुणी वा उद्दिसिय-उद्दिसिय पायं जाएजा तं जहा-लाउय-पायं वा दारु-पायं वा मट्टियापावं वा तहप्पगारं पायं सयं वा णं जाएजा जाव पडिगाहेजा-पदमा पडिमा
___ अहावरा दोच्चा पडिमा-से भिक्खू वा भिक्खुणी वा पेहाए पायं जाएजा तं जहागाहावई या गाहायई-मारियं वा गाहावइ-भगिणिं वा गाहावइ-पुत्तं वा गाहावइ-धूवं वा सुण्हं वा घाइं या दासं वा दासिं वा कम्पकरं या कम्मकार वा से पुवामेव आलोएजा-आउसो त्ति वा भइणि त्ति वा दाहिसि मे एत्तो अग्णयरे पायं तं जहा-लाउय-पायं वा दारु-पायं वा पट्टियापायं वा तहप्पगारं पायं सयं वा णं जाएजा परो वा से देजा-फासुयं एसणिग्नं ति पण्णमाणे लामे संते पडिगाहेजा-दोच्चा पडिमा अहावरा तच्चा पडिमा-से भिक्खू वा भिक्खुणी वा सेज़ पुण पायं जाणेजा संगतियं वा वेजयंतियं वा-तहप्पगारं पायं सयं वा णं जाएजा जाव पडिगाहेजा-तच्चा पडिमा, अहावरा चउत्था पडिमा से भिक्खू वा भिक्खुणी या उज्झियधप्मियं पायं जाएजा जं चऽण्णे बहवे समण-माहण-अतिहि-किवण-वणीमगा नावकंखंति तहप्पगारं उझिय-धम्मियं पावं सयं वा णं जाएजा जाव पडिगाहेजा-चउत्था पडिमा, इच्चे. याणं चउण्हं पडिमाणं अण्णयरं पडिमं पडिवजपाणे नो एवं वएजा मिच्छा पडिवत्रा खलु एते भयंतारो अहमेगे सम्म पडिवन्ने जे एते भयंतारो एयाओ पडिमाओ पडिवजिताणं विहरंति जो य अहमंसि एवं पडिपं पडिवजिताणं विहरामि सब्बे वे ते उ जिणाणाए उवट्ठिया अण्णोण्णसमाहीए एवं च णं विहरंति से णं एताए एसणाए एसमाणं परो पासित्ता वएजाआउसंतो समणा एजासि तुमं मासेण वा दसराएण या पंचराएण वा सुए वा सुयतरे वा तो ते व आउसो अण्णयरं पायं दाहामो एयप्पगारं णिग्धोसं सोचा निसप्प से पुव्वामेव आलोएज्जा-आउसो त्ति वा भइणि त्ति या नो खलु मे कप्पइ एयप्पगारे संगार-वयणे पडिसुणित्तए अभिकखसि मे दाउं इयाणिपेव दलयाहि से सेवं वयंत परो वएना आउसंतो समणा अणुगच्छाहि तो ते वयं अण्णतरं पावं दाहामो से पुवामेव आलोएज्जा-आउसो ति वा भइणि त्ति वा नो खलु मे कप्पइ एवष्पगारे संगार-बयणे पडिसुणेत्तए अभिकंखसि मे दाउं इयाणिमेव दलयाहि से सेवं वयंत परो नेत्ता वदेज्जा-आउसो त्ति वा भइणि त्ति वा आहरेवं पायं समणस्स दाहामो अवियाई पयं पच्छावि अप्पणो सय एए पाणाइं भूयाई जीवाई सत्ताई समारम समुद्दिस्स पावं चेइस्सामो एयप्पगारं णिग्धोसं सोचा निसम्म तहप्पगारं पायं-अफासुयं जाव नो पडिगाहेजा से णं परो नेता वएज्जा-आउसो ति वा भइणि त्ति वा आहरेयं पावं तेल्लेण वा पएण वा नवणीएण वा बसाए वा अभंगेता या मक्खेत्ता वा समणस्स णं दासापो एयप्पगारं णिग्योसं सोचा निसम्म से पचामेव आलोएजा-आउसो त्ति वा भइणि त्ति वा मा एयं तमं पायं तेल्लेण वा जाव अभंगाहि वा मक्खाहि वा अभिकखसि दाउं एमेव दलवाहि से सेवं वयंतस्स परो तेल्लेण वा जाव अब्भंगेत्ता वा मक्खेत्ता वा दलएजा तहप्पगारं पायं-अफासुयं जाच नो पडिगाहेजा से णं परो नेत्ता वएजा-आउसो ति वा भइणि ति वा आहरेव पायं सिणाणेण वा कमेण वा लोद्धेण वा वण्णेण वा चुण्णेण वा परमेण वा आघंसिता वा पघंसित्ता या समणसस णं दासाओ एयप्पगारं णिग्धोसं सोचा निसम्म से पुच्चामेव आलोएजा-आउसो त्ति वा भइणि
For Private And Personal Use Only
| SR No. | 009727 |
| Book Title | Agam 01 Ayaro Angsutt 01 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 130 |
| Language | Prakrit |
| Classification | Book_Devnagari, Agam, Canon, Agam 01, & agam_acharang |
| File Size | 3 MB |