________________
पंचकल्लाणं
मिच्छत्ततिमिरनासण !, पडियोहग ! भवियपउमकोडीणं । भुवणुज्जोयस्स तुमे, सामिय ! जिणसूर ! पणमामि ॥३५॥ जय जीवाइपयासग :, जय पंचस्थिकायमइयस्स । लोगस्स सुहुमभासग :, खयकारग ! जम्ममरणाणं ॥३६॥ एगंतहियं पत्थं, अतित्तिजणगं च तुम्ह वरवयणं ।
को पावइ महायस !, गुरुतरपुण्णेहिं परिहीणो ॥३७॥ मूलुत्तरपयडीओ, कम्मस्स कहेइ भव्वजीवाणं ।
तेण समं दुटेणं कओ विओगो महामुणिणा ॥३८॥ जय कुगइपहनिवारण :, जय सोग्गइमोक्खपयडियावास ! । जय सयलसोक्खदायग!, जय सामिय ! तिहुयणुद्धरण ! ॥३९॥ सेसाई जे य जिणा, अजियाई वद्धमाणपज्जंता ।
लोगस्स उजोयगरा, अणतविरिया पुरिससीहा ॥४०॥ तीयाणागय तित्थं-करा य चंदामि तिहुयणवरिठा ।
विहरंति जे य पुजा, अड्ढाइज्जेसु दीवेसु ॥४१॥ सिद्धाणि सबकज्जाणि, जेसिं निरुवमसुहं च संपत्ता ।
ते सिद्धा पणमामि, पारगया भवसमुदस्स ॥४२॥ आयरिया वि हु सव्वे, उवज्ज्ञाया साहु सीलगुणजुत्ता।
आयारधरा लोगुत्तमा य मणवयणकाएहिं ॥४३।। वंदइ भरहाहिवई, देवा वंदित्तु गया नियावासं ।
एवंपि महाइसयं सम्मत्त कल्लाणपंचमयं ॥४४॥
"Aho Shrut Gyanam"
