________________
थोतं
अमुणियभिक्खाइजणो, मणिकंचणरयणधणसमिद्धोवि ।
परमेसरो अदीणो, विहरइ वसुहं निराहारो ॥६॥ ते चत्तारि सहस्सा, भरहेग निवारिया य रायेणं ।
पढमपरीसहचइया, वणमझे तावसा जाया ॥७॥ नमिविनमिरायपुत्ता, न समीवे आसि दाणकालंम्मि ।
तिहुयणनाहस्स तओ, ओलग्गंती पयत्तणं ॥८॥ धरणिंदस्सागमणं, जिणवरभत्तीएँ पूयसकारं ।
ते दिट्ठा पूयंता, दिन्नाओ ताण विजाओ ॥९॥ मा एएसि सेवा, रिसहजिणिंदस्स निष्फला होइ।
वेयड्ढस्साहिवई, जाया विज्जाहरा दोवि ॥१०॥ संवच्छरंमि पुन्ने, सेयंसनरिंदभवणसंपत्तो।
दटुं तिलोयनाई. सहरिसमभुडिओ मइमं ॥१२॥ तिपयाहिणेवि वंदिय, जाईसरोण मुणेवि दाणविही।
सेयंसो पल्हत्थइ, इक्खुरसं कणयकलसेहिं ॥१२॥ करकमलअंजलीए, दिज्जंतं पडिच्छए भयवं ।
दि(द)व्यादिभावसुद्धं, नाउं निरवज्जमाहारं ॥१३॥ नरनारीहिं महियलं, गयणयलं छाइयं सुरगणेहिं ।
सियछत्तचमरऊसियघंटारवमणिविमाणेहिं ॥१४॥ सेयंस अहो ! दाणं, धन्नो धन्नो तुम जगे जेणं ।
पाराविओ जिणिदो, पवत्तिया पढमभिक्खा य ॥१५॥
"Aho Shrut Gyanam"
