________________
३]
संशोधितश्च सुविहितचूडामणिरामविजयबुधशिष्यैः । श्रीदेवविजयवाचकवृषभैः कोविदकुलोत्तंसैः ॥२९॥ किं चात्र लेखनशोधनविषये यत्नं चकार मच्छिष्यः । विनयविजयाभिधानः, प्रथमादर्शं च स लिलेख ॥३०॥ यद्यपि मया तु किञ्चिन्नलिखितमत्रास्ति नूतनं तदपि । कृतिभिः शोध्यं धर्मप्रणयादविचारितं यदिह ॥३१॥ इयदागमोक्तयुक्तिप्रचयाद्यदुपार्जितं मया सुकृतम् । तेन ममास्तु विशिष्टा, निरन्तरं बोधिबीजाप्तिः ॥ ३२॥ अस्मिल्लक्षविपक्षपक्षतिमिकग्रासाग्रहप्रस्फुरत्सत्पक्षौघतिमिङ्गले कलजय श्रीमन्दिरे सुन्दरे । उद्यद्भूरिविचारचारुलहरीप्रव्यक्तयुक्त्यावलीमुक्ताः स्वच्छजले चिरं मणिगणैः क्रीडन्तु ते धीवराः ||३३||
यावद्दिव्यवधूविलासरसिकः स्वर्भोगभङ्गीसुखं, जम्भारातिरसौ भुनक्ति भगवानुद्भूतभाग्याद्भुतः । तावत्सर्गनिरर्गलान्तरतमः स्तोमप्रणाशक्षमं, शस्तं शास्त्रमिदं निरस्तदुरितं पृथ्वीतले नन्दतात् ॥३४॥ यावद्व्योमतरङ्गिणीजलमिलत्कल्लोलमालालसद्दिग्दन्ताबलकीर्णवर्ण्यसलिला सेकप्रणष्टश्रमम् । ज्योतिश्चक्रमनुक्रमेण नभसिभ्रामत्यजस्त्रं क्षितौ, तावन्नन्दतु शास्त्रमेतदनघं विद्वज्जनानन्दनम् ॥३५॥ *दर्शनहिमकरगगनग्रैवेयकसङ्ख्यवत्सरे जातः । आश्विनसिति तुर्यायां, यत्नः सफलो गुरुमहिम्ना ||३६|| ॥ इति प्रशस्तिः ॥
...
॥ इति श्रीविचाररत्नाकरः समाप्तः ॥
[ श्रीविचाररत्नाकरः
★ १६९० वि.सं.
D:\ratan.pm5\5th proof
