________________
शीले राजीमतीकथा]
[१९ सव्वोसहिपसरियसुरहिगंधबहुकसिणचिहुरसीसम्मि । बहुलुग्गयपुलएहिं गुरुहिं से अक्खया देन्ना ॥ आयंबिरणक्खेसुं पडिओ दइउ व्व जावयरसो से । होइ च्चिय संजोगो रत्ते रत्तस्स किं चोज्जं? ॥ णियकंतिविब्भमेणं जंघाओ कयाओ घुसिणरागेण । चक्कायसरेच्छाओ थणेसु तह पत्तलेहाओ । णियजसधवलेणं चंदणेण वयणं पि से कयं पवरं । मयणसणाहो अहरो कामे व्व कओऽणुरागेल्लो ।। णवसरयागमणेम्मलविसट्टकंदोट्टदलसुसोहिल्लं । लोयणजुयलं पि कयं कज्जरयरंजियं तिस्से ।। महुमाससिरी विव से मुहम्मि तिलओ समोग्गओ सहइ । छज्जंति तीए अलया मुहगंधावडियभसल व्व ।। मणहरसद्दाणंदियसमत्थजियलोयलोयणमुहाई। मणिनेउराइं तिस्सा चलणेसु कयाइं हंसो व्व ॥ पियपणईहिं पिव वेंटियाइ चलणंगुलीओ पडिवण्णा । कामिहिययं व बद्धं रसणादामं णियंबम्मि । कंठावसत्तबहुगुणपओहरुच्छंगवड्डियाणंदो। कामि व्व जणियसोक्खो मुत्ताहारो वि से रइओ। पियवयणाई पिव कुंडलाइं सवसो(सा) सुतीइ रहेंति । सीसम्मि सहइ चूडामणी वि आण व्व जयगुरुणो ।। इय जाव पसाहिज्जइरायमईणिउणसाहिसमूहेण ।
ताव कुमारो वि दढं पसाहिओ देवरमणीहिं ।। ततो समारूढो एरावणसंकासं मत्तवारणं, समागयादसारासहबलदेव वासुदेर्वे हा एत्थंतरम्मि समाहयाइं मंगलतूराई, उब्भियं सिया[य]वत्तं, आवूरिया जमलसंखा, पगाइयाइं मंगलाइं, जयजयावियं तियसमागहेहिं । चोइओ गयं(इं)दो 25
D:\mala.pm5\2nd proof
