________________
गुरुपद कर्तव्ये आर्यरक्षितकथा ]
कत्तो पत्तो धम्मो ? गुरुणा पुट्ठेण साहियं सव्वं । पढिहामि दिट्ठिवायं अह गुरुणा सो इमं भणिओ ॥ दिक्खाए सो लब्भइ 'एवं चिय होउ' गहियसामन्नो । सइ (य) णाइभएण गओ गुरुणा सह सो उ अन्नत्थ ॥ गुरुणो गहिए नाणे वइरसमीवम्मि वच्चमाणो उ। निज्जवियभद्दगुत्तो संपत्तो वइरपासम्मि ॥ किं चूणपयपडिग्गहसुमिणयदाणेण सूइओ पत्तो । बाहिरवसहिं वुच्छो गुरुणो सो पायमूलम्मि ॥
अन्नवसहीए भव(ण) णं सम्मं किह होइ ? जंपिए गुरुणा । तेम वि सो विन्नत्तो आणेसा भद्दगुत्ताणं ॥
‘जो मे सद्धिं निवसइ, सो मं अणुमरइ' तेण कज्जेण । गुरुणा एस निसिद्धो 'एवं चिय कुणसु को दोसो ?' ॥ दसमम्मि साढत्ते पुव्वे जणयाइएहिं से भाया । आगमणत्थं तुरिअं पट्ठविओ सो गुरुं भणइ || कित्तिमित्तं चि पुव्वस्स इमस्स ? सरिसवगिरीहिं । दिट्ठतंमि उ ग (क) हिओ (ए) गुरुणा सोगाउरो निच्चं ॥ गमणकणं पुच्छइ वोच्छिज्जिस्सइ इमं पि य ममाओ । नाऊणं पट्टविओ पव्वावियभायरो एसो ॥
पत्तो दसपुरनयरे राया उवसामिओ तहा सयणो । मोत्तूण निययजणयं अन्नो पव्वाविओ बहुओ || छत्तयसहियं जणयं पव्वावेऊण डिंभवयणेहिं । परिचत्तछत्तयाइं सुपसत्थो सो मुणी जाओ || दुब्बलियपूसमित्तो मेहावी चीवराणि गच्छस्स । उवणेइ वत्थमित्तो घयं तु घयपूसमित्तो उ ॥ १. क. ज. ट्ठोण । २. क. ज. वच्छो ।
D:\mala.pm5\2nd proof
[ १४७
5
10
15
20
