________________
अज्ञातसूरिविरचिता पंचसयसाहुसहिओ, भविए बोहेंतओ कमेणेसो । पत्तो उज्जेणिपुरिं, तत्य ठिओ बाहिरजाणे ॥११॥ अहमहमिगाइ तत्तो, गुरुणो नमिङ समागओ लोओ। अमयकिराए गिराए, इअ जिणधम्म कहइ मूरी ॥१२॥ जह जीवा बझंती, मुचंती जह य संकिलिस्संति । जह दुक्खाणं अंतं, करेंति केई अपडिबद्धा ॥१३॥ इय मुणि जणो इरिसाउ, गुरुगुणे समहिअं पसंसंतो । पत्तो नियनियठाणं, इअ एवं जंति दिवसाई ।।१४।। अह तत्थ साहुणीओ, पत्ता भवियव्ययानिओगेण । तासि मज्झे एगा, कालगसूरीण लहुभगिणी ॥१५॥ निअरूबरेइभंजिअजयनारीरूववत्तिअभिमाणो । उवसमसिरि ब्व मुत्ती, साहुणिकिरिआकलावजुआ ॥१६॥ मुत्ति(त्त ?)तरपरिवन्न व्य, सरसई सरसइ ति नामेण । अन्नदिणम्मि विआरावणीइ बहि निग्गया संती ॥१७॥ उज्जेणिसामिणा गद्दभिल्लराएण सा तहिं दिट्ठा । दुचारमारसरपसरविहुरिअंगेण तेण तओ ॥२८॥ हा सुगुरु ! हा सहोअर !, हा पवथणनाह ! कालयमुणिंद ! । चरणधणं हीरतं, मइ रक्ख अणज्जनरवइणो(णा) ॥१९॥ इश्चाइ विलवमाणि, अणिच्छमाथि बलायमोडीए । तं अंतेउरउवरि, उप्पाडावइ निअनरेहि ॥२०॥ तं नाउं सूरीहि, भणिओ मा कुणम् इ[य] महाराय ! ।
जं रायरक्खिआई, तवोववणाणीह दुति सया ॥२१॥ उक्तं च
नरेश्वरभुजच्छायामाश्रित्याश्रमिणः सुखम् ।
निर्भया धर्मकर्माणि, कुर्वते स्वान्यनन्तरम् ॥२२॥ किश्च
प्रमाणानि प्रमाणस्थै रक्षणीयानि यत्नतः । विषीदन्ति प्रमाणानि, प्रमाणस्थैविश(संस्थुलैः ॥२३॥ ता मुश्च राय ! एयं, तवस्सिणि मा करेसु अन्नायं । तइ अन्नायपवत्ते, को अन्नो नायवं होही ? ॥२४॥ इय भणिओ वि नरिंदो, पडिवज्जइ जाव किंचि नो ताहे । चउविहसिरि संघेणं, भणाविओ कालिगज्जेहिं ॥२५॥
"Aho Shrutgyanam"
