________________
ਉਮਰ ਪੱਕ ਜਾਂਦੀ ਹੈ, ਮੌਤ ਨਾਲ ਸਰੀਰ ਨਸ਼ਟ ਹੋਣ ਦਾ ਸਮਾਂ ਆਉਂਦਾ ਹੈ ਤਾਂ ਉਸ ਨੂੰ ਪਸ਼ਚਾਤਾਪ ਕਰਨਾ ਪੈਂਦਾ ਹੈ।9।
ਇਸ ਪ੍ਰਕਾਰ ਦੀ ਭਾਵਨਾ (ਵਿਵੇਕ) ਛੇਤੀ ਪ੍ਰਾਪਤ ਨਹੀਂ ਹੁੰਦੀ। ਇਸ ਲਈ ਆਤਮ ਰੱਖਿਅਕ, ਸਮਭਾਵ ਪੂਰਵਕ, ਸੰਸਾਰ ਦੀ ਅਸਲੀਅਤ ਨੂੰ ਜਾਣ ਕੇ ਭੋਗਾਂ ਦਾ ਤਿਆਗ ਕਰੇ ਅਤੇ ਸਾਵਧਾਨੀ ਨਾਲ, ਗਫ਼ਲਤ ਰਹਿਤ ਹੋ ਕੇ ਘੁੰਮੇ।10।
ਲਗਾਤਾਰ ਮੋਹ ਗੁਣ (ਰਾਗ-ਦਵੇਸ਼) ਨੂੰ ਜਿੱਤਣ ਦੀ ਕੋਸ਼ਿਸ਼ ਵਿਚ ਲੱਗੇ, ਸੰਜਮ ਵਿਚ ਘੁੰਮਣ ਵਾਲੇ ਸਾਧੂ ਨੂੰ ਕਈ ਪ੍ਰਕਾਰ ਦੇ ਉਲਟ ਵਿਸ਼ੈ ਵਿਕਾਰ ਪ੍ਰੇਸ਼ਾਨ ਕਰਦੇ ਹਨ। ਪਰ ਸੰਜਮੀ ਸਾਧੂ ਉਨ੍ਹਾਂ ਉਲਟ ਵਿਸ਼ੈ ਵਿਕਾਰਾਂ ਦੇ ਆਉਣ ਤੇ ਵੀ ਮਨ ਵਿਚ ਗੁੱਸਾ ਨਾ ਲਿਆਵੇ।11।
ਵਿਵੇਕੀ ਸਾਧੂ ਬੁੱਧੀ ਨੂੰ ਘੱਟ ਕਰਨ ਵਾਲੇ, ਆਪਣੇ ਵੱਲ ਖਿੱਚਣ ਵਾਲੇ ਵਿਸ਼ੇ ਵਿਕਾਰਾਂ ਵੱਲ, ਮਨ ਨੂੰ ਨਾ ਜਾਣ ਦੇਵੇ, ਕਰੋਧ ਨੂੰ ਸ਼ਾਂਤ ਕਰੇ , ਮਾਨ (ਹੰਕਾਰ) ਨੂੰ ਹਟਾਵੇ, ਮਾਇਆ (ਧੋਖੇ) ਤੋਂ ਦੂਰ ਰਹੇ ਤੇ ਲੋਭ ਨੂੰ ਤਿਆਗ ਦੇਵੇ।12 |
:
ਜੋ ਆਦਮੀ ਸੰਸਕਾਰ ਰਹਿਤ ਹਨ, ਜੋ ਤੁੱਛ ਹਨ, ਸਾਰ ਰਹਿਤ ਤੇ ਸ਼ਬਦ ਜਾਲ ਵਿਚ ਫਸੇ ਹੋਏ ਹਨ, ਉਹ ਰਾਗ ਦਵੇਸ਼ ਕਾਰਨ ਗੁਲਾਮ ਹਨ, ਵਾਸਨਾਵਾਂ ਦੇ ਦਾਸ ਹਨ, ਅਤੇ ਧਰਮ ਰਹਿਤ ਹਨ। ਇਨ੍ਹਾਂ ਤੋਂ ਘ੍ਰਿਣਾ ਕਰਦਾ ਹੋਇਆ, ਗੁਣਾਂ ਵਿਚ ਉਦੋਂ ਤੱਕ ਵਾਧਾ ਕਰਦਾ ਰਹੇ, ਜਦੋਂ ਤੱਕ ਸਰੀਰ ਵਿਚ ਜਾਨ ਹੈ।13।
ਅਜਿਹਾ ਮੈਂ ਆਖਦਾ ਹਾਂ।
38
