________________
ਉਸ ਦੀ ਪਤਨੀ ਮਦਨ ਰੇਖਾ ਸੀ। ਰਾਜਾ ਮਨੀਰੱਥ ਨੇ ਯੂਗਵਾਹੂ ਨੂੰ ਮਾਰ ਦਿੱਤਾ। ਰਾਣੀ ਮਦਨਰੇਖਾ ਗਰਭਵਤੀ ਸੀ, ਉਹ ਇਕੱਲੀ ਘਰੋਂ ਨਿਕਲ ਪਈ। ਜੰਗਲ ਵਿਚ ਜਾ ਕੇ ਉਸ ਨੇ ਇਕ ਪੁੱਤਰ ਨੂੰ ਜਨਮ ਦਿੱਤਾ। ਉਸ ਨੇ ਉਸ ਪੁੱਤਰ ਨੂੰ ਰਤਨ ਕੰਬਲ ਵਿਚ ਲਪੇਟ ਕੇ ਆਪ ਨਹਾਉਣ ਚਲੀ ਗਈ। ਉਥੇ ਇਕ ਹਾਥੀ ਨੇ ਇਸ ਬੱਚੇ ਨੂੰ ਚੁੱਕ ਕੇ ਆਕਾਸ਼ ਵਿਚ ਉਛਾਲਿਆ। ਵਿਦੇਹ ਦੇਸ਼ ਦਾ ਰਾਜਾ ਪਦਮਰੱਥ ਸ਼ਿਕਾਰ ਲਈ ਉਥੇ ਪਹੁੰਚਿਆ ਹੋਇਆ ਸੀ, ਉਸ ਨੇ ਉਸ ਬੱਚੇ ਨੂੰ ਚੁੱਕ ਲਿਆ। ਉਸ ਦੇ ਕੋਈ ਪੁੱਤਰ ਨਹੀਂ ਸੀ, ਉਸ ਨੇ ਇਸ ਬੱਚੇ ਨੂੰ ਬੜੇ ਲਾਡ ਪਿਆਰ ਨਾਲ ਵੱਡਾ ਕੀਤਾ। ਇਸ ਲੜਕੇ ਦੇ ਘਰ ਆਉਣ ਤੇ ਅਨੇਕਾਂ ਰਾਜੇ ਪਦਮਰਥ ਦੇ ਅਧੀਨ ਹੋ ਗਏ। ਇਸ ਕਾਰਨ ਇਸ ਦਾ ਨਾ ਨਮਿ ਰੱਖਿਆ ਗਿਆ ਅਤੇ ਇਸ ਦਾ ਵਿਆਹ 1008 ਕੁੜੀਆਂ ਨਾਲ ਕਰ ਦਿੱਤਾ। | ਸਮਾਂ ਗੁਜ਼ਰਦਾ ਗਿਆ। ਪਦਮ ਰਥ ਪੁੱਤਰ ਨੂੰ ਰਾਜ ਸੰਭਾਲ ਕੇ ਆਪ ਸਾਧੂ ਬਣ ਗਿਆ। ਇਕ ਬਾਰ ਮਹਾਰਾਜ ਨਮਿ ਨੂੰ ਸਰੀਰ ਦਾ ਦਰਦ ਉੱਠਿਆ, ਉਸ ਨੇ ਛੇ ਮਹੀਨੇ ਕਸ਼ਟ ਉਠਾਇਆ। ਵੈਦਾਂ ਨੇ ਰੋਗ ਦਾ ਇਲਾਜ ਦੱਸਿਆ। ਸਾਰੀਆਂ ਰਾਣੀਆਂ ਨੇ ਆਪ ਚੰਦਨ ਰਗੜਿਆ ਅਤੇ ਮਹਾਰਾਜ ਦਾ ਦਰਦ ਘੱਟ ਕਰਨ ਲਈ ਉਨ੍ਹਾਂ ਦੇ ਸਰੀਰ ਤੇ ਲੇਪ ਕਰ ਦਿੱਤਾ। ਪਰ ਰਾਜੇ ਨੂੰ ਚੇਨ ਕਿੱਥੇ ? ਚੂੜੀਆਂ ਦੀ ਆਵਾਜ਼ ਕਾਰਨ ਉਸ ਦੇ ਦਰਦ ਵਿਚ ਵਾਧਾ ਹੋਣ ਲੱਗਾ। ਜੋ ਚੂੜੀਆਂ ਕਦੇ ਸੁਹਾਗ ਦਾ ਚਿੰਨ੍ਹ ਸਮਝ ਕੇ ਪਾਈਆਂ ਸਨ, ਰਾਜੇ ਦੇ ਹੁਕਮ ਤੇ ਉਨ੍ਹਾਂ ਉਤਾਰ ਦਿੱਤੀਆਂ। ਸਿਰਫ ਇਕ ਇਕ ਚੂੜੀ ਸੁਹਾਗ ਦੀ ਨਿਸ਼ਾਨੀ ਵਜੋਂ ਰਹਿਣ ਦਿੱਤੀ ਗਈ।
· 493
