________________
ਸਮਣ ਸੂਤਰ ਹਨ। ਤੇਜ ਕਸ਼ਾਇ ਵਾਲੇ ਗੰਦੀਆਂ ਭਾਵਨਾਵਾਂ ਵਾਲੇ ਹੁੰਦੇ ਹਨ।
(599)ਸਭ ਨਾਲ ਪਿਆਰ ਨਾਲ ਬੋਲਣਾ, ਭੈੜਾ ਬੋਲਣ ਵਾਲੇ ਨੂੰ ਖ਼ਿਮਾ ਕਰ ਦੇਣਾ ਅਤੇ ਸਭ ਦੇ ਗੁਣਾਂ ਨੂੰ ਗ੍ਰਹਿਣ ਕਰਨਾ, ਇਹ ਗੁਣ ਮੰਦ (ਘੱਟ) ਕਸ਼ਾਇ ਵਾਲੇ ਦੇ ਹੁੰਦੇ ਹਨ।
(600)ਆਪਣੀ ਪ੍ਰਸੰਸਾ ਆਪ ਕਰਨਾ, ਸਤਿਕਾਰਯੋਗ ਪੁਰਸ਼ਾਂ ਵਿਚ ਦੋਸ਼ ਕੱਢਣਾ, ਲੰਬੇ ਸਮੇਂ ਤੱਕ ਵੈਰ ਦੀ ਗੱਠ ਬੰਨ੍ਹ ਲੈਣਾ, ਇਹ ਤੀਵਰ (ਤੇਜ) ਕਸ਼ਾਇ ਵਾਲੇ ਦੇ ਲੱਛਣ ਹਨ।
(601)ਰਾਗ ਦਵੇਸ਼ ਵਿਚ ਗਾਫਲ ਹੋਇਆ ਜੀਵ ਇੰਦਰੀਆਂ ਦੇ ਅਧੀਨ ਹੋ ਜਾਂਦਾ ਹੈ। ਉਸ ਦੇ ਆਸ਼ਰਵ (ਪਾਪ) ਦਰਵਾਜ਼ੇ ਖੁੱਲ੍ਹੇ ਰਹਿਣ ਕਾਰਨ ਮਨ-ਬਚਨ ਤੇ ਕਾਇਆ ਰਾਹੀਂ ਲਗਾਤਾਰ ਕਰਮ ਕਰਦਾ ਰਹਿੰਦਾ ਹੈ।
(602)ਹਿੰਸਾ ਆਦਿ ਆਸ਼ਰਵ ਦਵਾਰਾਂ ਰਾਹੀਂ ਕਰਮ ਦਾ ਆਸ਼ਰਵ ਹੁੰਦਾ ਰਹਿੰਦਾ ਹੈ ਜਿਵੇਂ ਕਿ ਸਮੁੰਦਰ ਵਿਚ ਪਾਣੀ ਆ ਜਾਣ ਨਾਲ ਛੇਦ ਵਾਲੀ ਕਿਸ਼ਤੀ ਡੁੱਬ ਜਾਂਦੀ ਹੈ।
(603)ਮਨ, ਬਚਨ, ਕਾਇਆ ਵਾਲੇ ਜੀਵ ਦਾ ਜੋ ਵੀਰਯ ਪਰਿਨਾਮ ਜਾਂ ਪ੍ਰਦੇਸ਼ ਪਰਿਸੰਦਨ ਰੂਪ ਪ੍ਰਣੀਯੋਗ ਹੁੰਦਾ ਹੈ, ਉਸ ਨੂੰ ਯੋਗ ਆਖਦੇ ਹਨ।
(604)ਜਿਵੇਂ ਜਿਵੇਂ ਯੋਗ ਥੋੜ੍ਹੇ ਹੁੰਦੇ ਜਾਂਦੇ ਹਨ, ਉਸੇ ਤਰ੍ਹਾਂ ਹੀ ਬੰਧ ਜਾਂ ਆਸ਼ਰਵ ਘੱਟ ਹੁੰਦੇ ਹਨ। ਯੋਗਾਂ ਦੇ ਰੁਕ ਜਾਣ ਤੇ ਕਰਮ ਬੰਧ ਨਹੀਂ ਹੁੰਦਾ। ਜਿਵੇਂ ਛੇਕ ਰਹਿਤ ਜਹਾਜ਼ ਵਿਚ ਪਾਣੀ ਪ੍ਰਵੇਸ਼ ਨਹੀਂ ਕਰਦਾ।
121
