________________
ਸਮਣ ਸੂਤਰ
(ਗੁਣ ਸਥਾਨ)
32. ਆਤਮ ਵਿਕਾਸ ਸੂਤਰ
(546)ਮੋਹਨੀਆਂ ਆਦਿ ਕਰਮਾਂ ਦੇ ਪ੍ਰਗਟ ਹੋਣ ਵਾਲੇ, ਜਿਨ੍ਹਾਂ ਪਰਿਨਾਮਾਂ ਕਾਰਨ ਜੀਵ ਪਛਾਣੇ ਜਾਂਦੇ ਹਨ, ਉਨ੍ਹਾਂ ਨੂੰ ਸਭ ਕੁਝ ਵੇ ਖਣ ਵਾਲੇ ਜਿਨੇਂਦਰ ਦੇਵ ਨੇ ਗੁਣ ਜਾਂ ਗੁਣ ਸਥਾਨ ਦਾ ਨਾਂ ਦਿੱਤਾ ਹੈ। ਸੰਮਿਅਕਤਵ ਆਦਿ ਦੇ ਪੱਖੋਂ ਜੀਵ ਦੀਆਂ ਭਿੰਨ ਭਿੰਨ ਅਵਸਥਾਵਾਂ, ਸ਼੍ਰੇਣੀਆਂ, ਭੂਮਿਕਾਵਾਂ ਗੁਣ ਸਥਾਨ ਅਖਵਾਉਂਦੀਆਂ ਹਨ।
(547–548) (1) ਮਿੱਥਿਆਤਵ (2) ਸਾਸਵਾਦਨ (3) ਮਿਸ਼ਰ (4) ਅਵਿਰਤ ਸੱਮਿਅਕ ਦ੍ਰਿਸ਼ਟੀ (5) ਦੇਸ਼ ਵਿਰਤ (6) ਪ੍ਰਮੱਤ ਸੰਯਤ (7) ਅਮਤ ਸੰਯਤ (8) ਅਪੂਰਵਕਰਨ (9) ਅਨਿਵਰਤੀ ਕਰਨ (10) ਸੂਖਮ ਸੰਪਰਾਏ (11) ਉਪਸਾਂਤ ਮੋਹ (12) ਕਸ਼ੀਨ ਮੋਹਨੀਆਂ (13) ਸੰਯੋਗੀ ਕੇਵਲੀ ਜਿਨ (14) ਅਯੋਗੀ ਕੇਵਲੀ ਜਿਨ, ਇਹ ਚੌਦ੍ਹਾਂ ਜੀਵ ਸਮਾਸ ਜਾਂ ਗੁਣ ਸਥਾਨ ਹਨ, ਸਿੱਧ ਆਤਮਾਵਾਂ ਗੁਣ ਸਥਾਨਾਂ ਤੋਂ ਰਹਿਤ ਹੁੰਦੀਆਂ ਹਨ।
(549)ਤਤਵਾਂ ਦੇ ਪ੍ਰਤੀ ਸ਼ਰਧਾ ਦੀ ਅਣਹੋਂਦ ਮਿੱਥਿਆਤਵ ਹੈ ਇਹ ਤਿੰਨ ਪ੍ਰਕਾਰ ਦਾ ਹੈ (1) ਸੰਸ਼ਯਿਤ (2) ਅਭਿਗ੍ਰਹਿਤ (3) ਅਨਭਿਗ੍ਰਹਿਤ।
(550)ਸੰਮਿਅਕਤਵ ਰਤਨ ਰੂਪੀ ਪਰਬਤ ਦੇ ਸ਼ਿਖ਼ਰ ਤੋਂ ਗਿਰ ਕੇ ਜੋ ਜੀਵ ਮਿੱਥਿਆਤਵ ਪ੍ਰਤੀ ਫਿਰ ਮੁੜ ਜਾਂਦਾ ਹੈ, ਪਰ ਜਿਸ ਦੇ ਅੰਦਰ ਮਿੱਥਿਆਤਵ ਨੇ ਪ੍ਰਵੇਸ਼ ਨਹੀਂ ਕੀਤਾ, ਉਸ ਵਿਚਕਾਰਲੀ ਅਵਸਥਾ ਦਾ ਨਾਂ ਸਾਸਾਦਨ ਨਾਉਂ ਦਾ ਗੁਣ ਸਥਾਨ ਹੈ।
110
